Лига на шампиони

Моќен старт на шампионот, Баерн Минхен му даде четири гола на Атлетико Мадрид (ВИДЕО)

Баерн Минхен со 4-0 го победи Атлетико Мадрид и покажа зошто е шампион, Лукаку во судиското продолжение го спаси Интер од пораз против Борусија Менхангладбах, Ливерпул со 1-0 триумфираше на гостувањето кај Ајакс. 

Баерн Минхен имаше шампионски старт на новата сезона во Лигата на шампионите, Баварците четири пати ја тресеа мрежата на Атлетико, а интересно ниту еден од тие погодоци не беше дело на Левандовски.
 
Коман ја отвори и ја затвори серијата погодоци, а голови дадоа уште Горецка и Толисо. На почетокот од вториот дел Атлетико Мадрид намали на 2-1, но ВАР му го поништи голот на Жоао Феликс поради офсајд.
 
Интер не успеа да ја победи Борусија Менхенгладбах на свој терен, одигра само 2-2, Лукаку во судиското продолжение ги спасуваше нероазурите од пораз.
 
Првиот дел беше без многу возбудувања, заврши 0-0. По само четири минути игра во второто полувреме Лукаку донесе водство од 1-0, но брзо потоа Видал направи прекршок за пенал коој го реализираше Бенсебаини. Хофман во 84. минута погоди за комплетен пресврт и водство на Менхенгладбах од 2-1, но Лукаку пред самиот крај израмни на 2-2.
 
Ливерпул со автогол на Таљифико во 35. минута победи на гостувањето кај Ајакас со 1-0. Домаќините имаа повеќе шанси за гол, погодија и статива, Фабињо вадеше од гол линија, но мрежата на црвените не се затресе.
 
Манчестер Сити со пресврт дојде до победа од 3-1 против Порто. Гостите дојдоа во водство со убав гол на Луис Диаз во 14. минута, но само седум минути подоцна домаќините преку Агуеро од пенал изедначија на 1-1.
 
Во вториот дел Гундоган и Торес постигнаа погодоци за победа на Манчестер Сити од 3-1.
 
Импресивен настап имаше Аталанта која со 4-0 погоди на гостувањето кај Митјиланд. Запата, Гомез, Муриел и Миранчук беа стрелци на головите за италијанскиот тим.
 
Олимпијакос во судиското продолжение со гол на Кока го победи Марсеј со 1-0.

Како што тргнало, на крај, кога ќе го оствариме сонот и конечно ќе влеземе во ЕУ, ќе бидеме нација X, со јазик Y, со националност Z? Кој ќе се радува на тоа?

повеќе

Зошто да не му веруваме на лидерот кој е на чело на колоната запатена кон ЕУ?

повеќе

Логиката е кога веќе се успеа со Преспанскиот договор, кога веќе отстапката е потпишана, зошто да не се направи тоа и со Бугарија.

повеќе