Разговарале пред неколку дена

Михајловиќ откри дека Ибра заминува од Милан и порача: Кон мене се однесува поразлично, опасните луѓе се почитуваат!

Синиша Михајловиќ пред неколку дена разговарал со Златан Ибрахимовиќ, напаѓачот ќе го напушти Милан и ќе избира помеѓу преселба во Болоња и враќање во Шведска.

Златан Ибрахимовиќ има договор со „росонерите“ до крајот на сезоната со опција соработката да биде продолжена, и изминативе месеци често се шпекулира за неговата иднина. По отказот кој го доби Звонимир Бобан, и најавите дека заминува и Паоло Малдини, под знак прашалник беше ставена иднина на Швеѓанецот во Милано.

Синиша Михајловиќ во разговор со српските медиуми сега открива дека напаѓачот го напушта Милан и ќе избира помеѓу преселба во Болоња и враќање во Шведска.

„Ми се јави пред неколку дена, ќе видиме каква одлука ќе донесе. Сигурно нема да остане во Милан, или ќе дојде кај мене или ќе се врати во Шведска“ – вели тренерот на Болоња.

За време на карантинот во Италија, Златан Ибрахимовиќ се врати во Шведска и тренираше со Хамарби, клуб во кој од неодамна поседува 25% од акциите.

Болоња се посочуваше како можна дестинацијa и пред да се врати во Милан, „Стадио Ренато“ беше опција за Златан Ибрахимовиќ поради добриот однос со Синиша Михајловиќ.

„Ибра кон мене се однесува поинаку во споредба со останатите, внимава што зборува и што прави. Ние опасните луѓе се почитуваме!“.

Кога може оние кои пукаа по нас, оние кои ги убија Аце, Коки и Оливер да бидат на слобода, зошто не би бил помилуван и ти?

повеќе

Го регистрираме името Јунајтед Маседонианс и тогаја сетне почнаме да прајме отворени Илинденцки пикници – македонцки илинденцки, не со Богарите. Сами ние Македонци и народо трна.

повеќе

Она она што го нудат медиумите во времето на ковид-19 покажа колку тие не се подготвени за да известуваат во време на криза, а кризите ги има сè почесто.

повеќе