Гласините не допираат до Полјакот

Медиумите пишуваат за враќање на позајмица во Џенова а Пјонтек полн со самодоверба: Следниот трнасфер ќе ми вреди 70 милиони!

Гласините на медиумите не допираат до Криштоф Пјонтек, напаѓачот на Милан е полн со самодоверба и вели дека следниот трансфер ќе му вреди 60-70 милиони евра.

Напаѓачот беше пријатно изненадување минатата сезона откако пристигна во Џенова за скромни 4,5 милиони евра. Веднаш почна да ги тресе противничките мрежи, и само неколку месеци беа доволни да направи богат трансфер во Милан. „Росонерите“ во јануари за неговите услуги платија 35 милиони евра, плус додатни 3 милиони евра во бонуси.

Неговата авантура на Сан Сиро не можеше да започне подобро, практично секој шут му беше погодок. Сепак, последните месеци од минатата сезона беа прилично сушни, а тој се мачи пред противничкиот гол и на почетокот од оваа сезона.

Неговата форма е во надолна линија, па се говори дека Милан би можел да го врати во Џенова на позајмица, особено доколку Златан Ибрахимовиќ пристигне во јануари.

Но ништо од ова не допира до Криштоф Пјонтек, напаѓачот е пол со самодоверба и вели дека следниот трансфер ќе му вреди 60-70 милиони евра.

„Кога се преселив во Милан, толку брзо се случи трансферот што не прашував ништо“ - вели Пјонтек за ТВП Спорт.

„Сега вредам 38 милиони евра, но следниот пат кога ќе ја променам средината, ќе биде за 60-70 милиони евра. Морам да бидам амбициозен и ќе работам напорно за ова да се случи. Се уште сум на почетокот од кариерата, ова е само мојата втора сезона во Серија А, едно од најдобрите пет првенства во Европа“.

Една од особеностите на словенската јазична група е дека нема случај два народи да зборуваат еден ист јазик или барем тоа да е официјално признаено.

повеќе

Оваа администрација нема намера Скопје во догледна иднина да стане одржлив зелен град и тоа е јасно одразено во буџетот за 2020 година.

повеќе