ВАРДАР - ЗЕНИТ

Манчини: Имаме почит за Вардар, но во Скопје дојдовме по три бода

Тренерот на Зенит, Роберто Манчини вели дека добро го скенирале Вардар и утре ќе се обидат со сите три бода да заминат од Скопје.

Утре Вардар го почнува настапот во групната фаза од Лига Европа, прв противник е тимот на Зенит кој денеска допатува во Скопје.
 
На редовната прес конференција Роберто Манчини го искажа мислењето во пресрет на натпреварот.
 
„Добро ја анализиравме играта на Вардар, знаеме дека противникот има искусна одбрана, а во нападот е опасен на контри. Тие ќе бидат исклучително мотивирани против нас. Но ние сме подготвени за надигрување, тука дојдовме за да победиме“ - вели Манчини.
 
„Свесни сме дека ова натпреварување не е на рангот на Лигата на шампионите, но за нас нема разлика, ние на секој натпревар одиме на победа“.
 
Во составот на Зенит ќе недостасува најголемото летно засилување, Паредес за кого платија 27 милиони евра.
 
„Некои фудбалери останаа во Русија, Паредес и Шатов имаат повреди и моја е одлуката да не допатуваат тука. Се надевам дека и двајцата ќе бидат подготвени за нашиот следен меч во руското првенство. Но имаме играчи кои можат да играат на највисоко ниво и тоа треба да го покажат утре. Точно е дека на последните две средби не постигнавме гол, но тоа не мора ништо да значи“.
 
Натпреварот помеѓу Вардар и Зенит се игра утре со почеток од 21:05.

Родовото прашање е клучен двигател за резултатите на здравството.

повеќе

Постојат повеќе административни и технички решенија против плагијаризам што се применуваат од издавачите и универзитетските менаџменти, а понекогаш и државните власти, како што е случајот во Македонија. 

повеќе

И не само тоа, туку квалитет на слободата. „Слободата нема никаква вредност ако во себе не ја вклучува слободата на грешките" - Махатма Ганди.

повеќе