Романија ќе има строги правила за време на ЕП

Македонските навивачи само 48 часа ќе можат да бидат во Букурешт!

Ќе нема фудбалска фешта во Букурешт, Романците одредија строги правила за странските навивачи за време на Европското првенство. 

Поради пандемијата на ковид-19, Романија сака да ги заштити своите граѓани од наплив на странски туристи за време на Европското првенство, па донесе неколку одлуки со кои ќе го спроведе тоа.
 
Официјално е одлучено на мечевите во Букурешт да има 13.000 гледачи, што е 25 проценти од капацитетот на Националната арена. Дополнително ќе се знае колку од тие билети ќе бидат доделени на репрезентациите кои играат, се шпекулира со бројка од 3500.
 
Сите навивачи ќе бидат тестирани на денот на одигрување на натпреварот. УЕФА финансиски ќе ја помогне оваа мерка.
 
Странските навивачи при влез во Романија ќе мора да го покажат и билетот со цел да докажат дека одат на натпреварот, а не туристички. Тие ќе можат во Букурешт да се задржат не повеќе од 48 часа.
 
Македонија во Букурешт игра на 13 јуни против Романија, а на 17 јуни против Украина. Тоа ќе значи дека нашите навивачи кои ќе имаат билети и за двата натпревари ќе треба после првиот меч да излезат од Романија, па да се вратат за вториот.
 
Третиот натпревар од групата го играме во Амстердам против Холандија на 21 јуни. 

Во последните 30 години сите политички партии, независно од тоа колку демократски се претставуваат во своите програми, на државата гледаат како на инструмент, што е пак првиот сигнал, чекор кон авторитарност.

повеќе

Ако денес направиме една историска книжевна паралела, драмското дело на Стефановски ќе го квалификуваме како антологиски бисер, кого и сегашните и идните генерации ќе го чуваат како неодминлив столб на целокупната македонска драмска литература.

повеќе

За првпат во историјата на албанската демократија, една иста партија ќе биде на чело на земјата три последователни мандати. 

повеќе