Квалификации за ЕП 2021 У21

Македонските надежи се подготвени за Казахстан, одат на трета победа во квалификациите

Македонската фудбалска селекција до 21 година има одличен старт на квалификациите за Европското првенство 2021 година, таквиот почеток треба да се потврди и на утрешниот меч против Казхстан. 

Македонија квалификациите ги отвори со рекордна победа, беше совладана селекцијата на Фарски Острови со 7:1, потоа следуваше победа во Подгорица над Црна Гора од 2:1, утре избраниците на Благоја Милевски го имаат третиот натпревар, во Скопје доаѓа селекцијата на Казахстан.
 
Нашите фудбалери денеска го одржаа последниот тренинг, Казахстан не е наивен противник, но тие веруваат во себе.
 
„Против Црна Гора остваривме значајна победа, иако натпреварот воопшто не беше лесен. Сепак, и покрај некои наши грешки и недостатоци во играта за кои зборуваме и работиме со селекторот и стручниот штаб, успеавме да победиме и да го добиеме посакуваниот резултат. Натпреварот со Казахстан ќе биде сосема поразличен. Противникот е квалитетен, физички се силни, но сметам дека со правилен пристап можеме да дојдеме до нови три бода. Не се сомневам дека заеднички повторно ќе дадеме сѐ од себе и на крајот ќе се радуваме, изјави Милан Ристовски.
 
„Ги оставаме зад нас првите два натпревари во кои остваривме две победи. Секогаш е специфично да се добие натпревар против противник за кој јавноста смета дека ќе биде лесно. Казахстан воопшто не е наивна репрезентација, играат брзо, тактички се одлично подготвени и мораме да бидеме многу внимателни и добри во дуелите доколку сакаме победа. Наше е да го одиграме тоа што го бара селекторот, а доколку успееме во тоа, мислам дека сме на прав пат, изјави Агрон Руфати.
 
Натпреварот меѓу Македонија и Казахстан се игра утре (вторник) со почеток од 14:30 часот на тренинг центарот „Петар Милошевски“ во Скопје.
 
Фото: ФФМ

Нашиот капацитет за справување со општи кризи е ограничен. Дали здравството е немоќно, или ние не можеме да се прилагодиме на промени?

повеќе

 За базата во Ново Село, Бугарија не добива ни долар за закупнина, а отворени се и бројни прашања за животната средина.

повеќе

Се поставува прашањето, дали треба да се жртвува слободата за сметка на жртвите кои се последица од вирусот, кој не можеме да го спречиме освен со строги санкции и мерки?

повеќе