Квалификации за ЕП 2021

Македонија ја освои Подгорица, Атанасов со два гола донесе пресврт и победа

Репрезентацијата на Македонија до 21 година забележа голема победа против Црна Гора, со двата гола на Јани Атанасов направи пресврт и славеше со 1-2 во Подгорица.

Втора победа за Македонија на стартот од квалификациите за континенталниот собир во 2021 за играчи до 21 година. Вечерва избраниците на Боби Милевски триумфираа на незгодното гостување во Подгорица.

Црна Гора подобро го започна мечот и поведе, но до крајот на првиот дел нашите репрезентативци го свртеа резултатот, а херој на мечот беше Јани Атанасов.

Резултатот го отвори Скендеровиќ во 10. минута, но само четири минути подоцна Атанасов изедначи. Неговиот обид од слободен удар закачи еден противнички играч од живиот ѕид и заврши во мрежата за 1-1.

Во 33. минута од мечот судијата покажа на белата точка а Атанасов ја реализираше најстрогата казна за водство од 1-2.

„Црвено-жолтите“ потоа умешно ја чуваа предноста, во финишот играа и со играч помалку откако Тошески набрзина заработи два жолти картони и исклучување, но овие тешки минути беа пребродени за нови три бода со кои Македонија скокна на првото место на табелата.

Шпанија исто така има шест бода од два меча но „црвената фурија“ има послаба гол разлика. И нашиот следен противник Казахстан има шест бода, но дури од четири одиграни натпревари.

Се поставува прашањето, дали треба да се жртвува слободата за сметка на жртвите кои се последица од вирусот, кој не можеме да го спречиме освен со строги санкции и мерки?

повеќе

Деполитизацијата и акцентот на научни истражувања ќе го насочат образованието на правиот пат.

повеќе

Голем број на христијани, православни верници, по претворањето на Света Софија во џамија, сметаат дека Вартоломеј не е веќе доследен да ја носи титулата вселенски патријарх.

повеќе