ЕВРО 2020

Луд меч со шест гола во Минхен, Германија ја победи Португалија (ВИДЕО)

Германија и Португалија го одиграа најдобриот натпревар во досегашниот дел од Европското првенство, Германците победија со 4-2. 

Мечот меѓу Германија и Португалија изобилуваше не само со голови, туку и со многу шанси на двете страни, на крајот домаќинот ги освои трите важни бодови.
 
По една одлична акција во 15. минута, Кристијано Роналдо донесе водство за Португалија од 1-0.
 
Потоа следуваше нешто што никој не го очекуваше, Португалија за четири минути успеа да си постигне два автогола. Во 35. минута Диаш си ја затресе мрежата, а во 39. минута тоа го направи и Гереиро. Германија на полувремето водеше со 2-1.
 
По шест минути игра во вториот дел Госенс асистираше до Хаверц кој постигна гол за водство од 3-1 на Германија. Првиот гол на Германец на овој натпревар.
 
Во 60. минута и самиот Госенс се запиша во листата на стрелците, тој беше најдобриот германски играч на овој меч, Германија имаше 4-1.
 
Течеше 67. минута кога Роналдо асистираше до Жота, а тој од лесна позиција реализираше за 4-2.
 
До крајот на мечот Португалија се обидуваше да се врати со уште еден погодок и имаше шанси за тоа, Ренато Санчез со прекрасен удар од далечина ја погоди стативата на Нојер.
 
На крајот Германија заслужено се радуваше на победата и работите во групата Ф станаа комплицирани, ништо нема да се знае до последното коло.
 
Франција е прва со четири бода, Германија и Португалија имаат по три, Унгарија е последна со еден бод.

Во последните 30 години сите политички партии, независно од тоа колку демократски се претставуваат во своите програми, на државата гледаат како на инструмент, што е пак првиот сигнал, чекор кон авторитарност.

повеќе

Ако денес направиме една историска книжевна паралела, драмското дело на Стефановски ќе го квалификуваме како антологиски бисер, кого и сегашните и идните генерации ќе го чуваат како неодминлив столб на целокупната македонска драмска литература.

повеќе

За првпат во историјата на албанската демократија, една иста партија ќе биде на чело на земјата три последователни мандати. 

повеќе