Серија А

Луд меч со седум голови на Мапеи, Интер за малку ќе пропуштеше огромно водство против Сасуоло (ВИДЕО)

Интер и Сасуоло одиграа луд меч со седум голови, „нероаѕурите" имаа предност од 1-4 за во финишот панично да се бранат и да се спасат од срамно реми.

Сасуоло изминативе години му создаде многу мака на Интер, и се чинеше дека Интер конечно лесно ќе стигне до три бода откако по 70 минути игра гостите водеа со 4-1.

Мартинез погоди убаво од работ на шеснаесетникот веќе во 2. минута, Берарди брзо одговори и изедначи на 1-1, но потоа на сцена стапи Лукаку. Белгиецот во 38. минута убаво се загради, доби топка во шеснаесетникот и ги искористи своите физички предиспозиции да си создаде простор и да бие за 1-2. Пред крајот на првиот дел, Лукаку погоди од белата точка и на пауза „нероаѕурите“ заминаа со 1-3.

По 25 минути игра во продолжението беше досуден нов пенал во корист на гостите, овој пат Мартинез ја превзеде одговорноста и Аргентинецот реализираше за 1-4.

Многумина веќе тука помислија дека е јасно кој ќе слави, очигледно така се чувствуваа и играчите на Интер, кој се опуштија па дозволија Ѓуриќиќ брзо да намали на 2-4.

Потоа следуваше ново невнимание, Бога се прошета низ одбраната и намали на 3-4 во 81. минута. Овој погодок само ја зголеми паниката во редовите на Интер, кој играше неповрзано во финишот од мечот, затворен пред својот гол и чекаше времето да помине. За среќа на „нероаѕурите“ резултатот остана непроменет, па тие си заминаа со цел плен од Мапеи стадионот.

 

Кога политичарите сватија за каква моќна алатка се работи, час поскоро побрзаа да менуваат закони со кои „бомбите" нема да бидат докази.

повеќе

Брегзитот, односно напуштањето на Велика Британија на ЕУ, без сомневање ќе влијае врз градењето на новата политичка архитектура во Европа, со нова поделба на интересни зони на стариот континент.

повеќе

Германската канцеларка Ангела Меркел, меѓу другите, беше гневна; Балканот помодре од бес. ЕУ сега се обидува да го натера Макрон да го тргне ветото пред Европскиот самит во март.

повеќе