Лео Меси во интервјуто со Жорди Еволе на „Ла Секста“ рече дека ќе донесе одлука за својата иднина по крајот на сезоната. Напаѓачот ги одработува последните шест месеци од договорот со Барселона и треба да одлучи дали ќе остане верен на „каталонците“ или ќе се реши нов предизвик пред крајот на кариерата.
Доколку замине од Камп Ноу, на прсти се бројат клубовите кои можат да ја дозволат неговата плата, Манчестер Сити со Пеп Гвардиола на кормилото се посочува како прв фаворит но и ПСЖ со Нејмар се надева дека може да го привлече фудбалерот.
Новинарот Жофрој Гаретје сега открива дека Лео Меси почнал да учи француски и ова го толкува како сигнал дека фудбалерот ќе се пресели во ПСЖ.
„Имам информација која може да биде многу важна. Меси и целото негово семејство, неговата сопруга и децата, учат француски. Па зошто би учел француски доколку треба да потпише за Манчестер Сити? Нема никаква логика. Му верувам на изворот, оваа информација ја добив од сигурен извор“ – вели Гаретје.
🗣️ @ggaretier : " Lionel Messi et toute sa famille prennent des cours de français..."
— Late Football Club (@LateFootClub) January 25, 2021
Direction le PSG pour Lionel Messi ? pic.twitter.com/nzbaB3KOkB
