Нема да има нов „случај Заморано“

Квадрадо испрати порака до Роналдо за дресот со број 7: Радоста е поголема кога даваш отколку кога добиваш (ФОТО)

Ако воопшто имаше дилеми за тоа кој број ќе го добие Кристијано Роналдо во Јувентус, Хуан Квадрадо се огласи на социјалните мрежи за да открие дека ќе му ја отстапува „7-та"

Откако во вторникот пристигна официјална потврда за историскиот трансфер, фановите на Јувентус побрзаа да купат дрес од Португалецот. Иако Кристијано се уште не е официјално промовиран и не беше соопштено која бројка ќе ја добие, изминативе денови се бараше дрес повеќе со бројот 7 и презимето на Роналдо. 

ЦР7 е глобален бренд па веројатно никој не очекува тој да добие друг број. Сепак, за да се расчистат сите дилеми, Хуан Квадрадо се огласи на социјалните мрежи за да соопшти дека му ја отстапува „7-та“ на Кристијано Роналдо. 

„Радоста е многу поголема кога даваш отколку кога добиваш. Биди благословен пријатели, ти посакувам мнoгу среќа во авантурата“ - гласеше неговиот пост на Твитер.

Дали Јуан Квадрадо доброволно се откажа од бројот 7 или пак добил наредба никогаш нема да дознаеме. Иако сосема природно е „7-та“ да му припадне на Португалецот, има и посебни случаеви. Кога Кристијано Роналдо пристигна во Реал Мадрид, иконата Раул не се откажа од дресот со бројот 7 па една сезона тој беше ЦР9. Истото му се случи и на „Феноменот“ Роналдо кога тој пристигна во Интер. Дресот со бројот 9 го носеше Заморано, па една година Бразилецот ја користеше „10-та“. Потоа Чилеанецот се одлучи за 18 или поточно 1+8, и му ја остави „9-та“ на Роналдо.

Националното достоинство и идентитет не се статични „од Бога дадени" категории, туку динамични категории кои зависат од нашите постапки и акции.

повеќе

Не е во прашање само Русија VS Западот. Има нов играч на масата.

повеќе

Ако на референдумот на 30 септември македонските гласачи изгласаат да се смени името на нивната држава во Северна Македонија, НАТО треба да ја покани нивната влада во Алијансата.

повеќе