Заминуваат фудбалери со големи плати и оние кои не одиграа на потребното ниво

Јувентус прави голема чистка, на продажба се дури 10 фудбалери!

Според пишувањата на Газета дело Спорт, Јувентус во следните месец дена ќе се обиде да направи реконструкција на тимот, на продажба се ставени дури 10 фудбалери.

„Старата дама“ синоќа се раздели со Маурицио Сари по само една сезона, и на големо изненадување го именуваше Андреа Пирло за нов предводник. По промената на тренерот, Јувентус во следните месец дена ќе прави голема чистка.

Според пишувањата на Газета дело Спорт, клубот ќе се ослободи од играчите кои имаат високи плати и оние кои не одиграа на потребното ниво оваа сезона, а ќе бидат донесени млади, мотивирани, но пред се, фудбалери кои ќе заработуваат помалку.

Од Торино може да си заминат дури десет играчи, а први на списокот се Гонзало Игуаин и Сами Кедира. ГДС вели дека куферите практично ги имаат спакувано Даглас Коста, Арон Ремзи, Федерико Бернардески, Матија Де Шиљо и Даниеле Ругани.

Доколку пристигнат примамливи понуди за Алекс Сандро и Данило, Бразилците ќе го напуштат Јувентус, а се очекува да замине и Блес Матуиди.

Практичната имплементација на владината стратегија „едно општество за сите“, која на хартија има добри намери, е засенета од неуспешната борба против корупцијата и организираниот криминал.

повеќе

Веќе четврта деценија штом општеството се фокусира на македонско-бугарските или македонско-албанските односи, на улиците излегуваат навивачките групи со навредливиот репертоар. Спонтано? Ајде, Ве молам.

повеќе

Нивото на Советот на Центар никако да порасне и да ги покаже демократските капацитети и зрелоста очекувани од граѓаните.

повеќе