Премиерлига

Јунајтед и Арсенал приредија шоу, Вулверхемптон го изненади Челси (ВИДЕО)

Манчестер јунајтед и Арсенал одиграа возбудлив меч со четири погодока, „топчиите" два пати водеа но „ѓаволите" не дозволија да бидат поразени, Челси со празни раце се враќа од гостувањето кај Вулверхемптон.

Манчестер јунајтед и Арсенал приредија шоу на „Олд Трафорд“. Двата тима одиграа борбено, со многу грешки па на крајот љубителите на фудбалот видоа четири гола, а имаше шанси и за уште некој погодок.

Резултатот беше отворен во 26. минута, по еден прекин, Мустафи биеше со глава, Де Хеа лошо интервенираше и дозволи топката да заврши зад неговиот грб.

Водството на Арсенал сепак траеше само четири минути. Лено го одбрани слободниот удар на Рохо, но прв до одбиената топка стигна Ерера кој веднаш ја врати во петерецот за осамениот Марсијал да погоди за 1-1.

„Топчиите“ стигнаа до нова предност во 68. минута. По една брза акција, Лаказет се најде пред Де Хеа, Рохо со лизгачки старт се обиде да блокира но само помогна топката да се стркала покрај стативата за огромна радост на гостите.

Но веќе во следната акција играчите на Арсенал вратија во иста мера. Само што тргна Мачестер од центар, Колашинац лошо реагираше во шеснаесетникот и му овозможи на Лингард да изедначи на 2-2.

Обамејанг потоа имаше голема шанса по трет пат да донесе водство за Арсенал, но Де Хеа со одлична интервенција одбрани. Лаказет се обиде итро да постигне гол и со глава ја изби топката од рацете на Де Хеа, но судијата ја стопираше играта. Мрежата ја затресе и Мхитарјан, но и тој беше во недозволена ситуација односно офсајд.

Челси со празни раце се враќа од гостувањето кај Вулверхемптон и покрај тоа што на пауза замина со предност од 0-1 со голот на Лофтус Чик. Домаќините во продолжението од мечот најпрво изедначија преку Хименез во 59. минута, а за потоа Жота да погоди за 2-1 во 63. минута и да приреди големо изненадување.

 

Ливерпул продолжува да го држи чекорот со лидерот Манчестер Сити и вечерва со 1-3 триумфираше на гостувањето кај Барнли. Тотенхем се рехабилитираше од поразот во дербито на Северен Лондон со лесна победа од 3-1 над Саутемптон.

Со потпишувањето на Преспанскиот договор се чинеше дека се отстрани единствената пречка за македонската интеграција во ЕУ и НАТО.

повеќе

Демонизирањето на Исламот и неговото постојано поврзување со тероризмот е загрижувачка појава во светот, а и на Балканот.

повеќе

Последните искричења во меѓународниот поредок ја прават нејасна агендата за евроатлантски интеграции на регионот која претставува неопходен услов за долгорочна стабилност на Западен Балкан.

повеќе