Вметнале специјална клаузула при разделбата

Јунајтед го копира Челси за да не остане со празни раце, ќе добие 10 милиони доколку Мурињо заврши во Реал

„Црвените ѓаволи" си обезбедиле специјална клаузула при разделбата со Жозе Мурињо, доколку Португалецот наскоро си најде нов ангажман, тие ќе добијат најмалку 10 милиони фунти.

По поразот од Ливерпул на средината од декември, Манчестер јунајтед реши да се раздели со Жозе Мурињо. Поради предвремениот прекин на соработката, „ѓаволите“ му исплатија на Португалецот 15 милиони фунти.

Но според пишувањата на „Сан“, Ед Вудворд го следел примерот на Челси и вметнал специјална клаузула. Кога Мурињо доби отказ од Челси во декември 2015, „сините“ ставиле клаузула според која тие ќе добијат обесштетување доколку тој се врати на работа во следните 12 месеци.

За клуб од Премиерлигата сумата изнесувала 15 милиони фунти (колку што плати и Манчестер јунајтед), а за клуб од друго првенство имало мал попуст и сумата била 10 милиони фунти.

Па „Сан“ вели дека идентични услови се поставени и сега при разделбата на Манчестер јунајтед и Жозе Мурињо, и доколку „специјалниот“ го превзеде Реал Мадрид како што се шпекулира, „ѓаволите“ ќе добијат 10 милиони фунти.

Најголемиот предизвик на секоја земја е развојот и одржувањето на здрава популација.

повеќе

Албанија и Северна Македонија уште ќе чекаат, една година откако блокот рече дека имаат шанси за разговори за членство, вели Политико.

повеќе

Ништо не ме научи повеќе за моите родители, а и за мене, од храната што тие ја обожаваа откако избегаа од Босна.

повеќе