Икарди е во центарот на случувањата

Интер, Наполи и Рома се здружија за да го остават Јувентус со празни раце и да го симнат од тронот

Мауро Икарди е во центарот на пакт помеѓу Интер, Наполи и Рома, трите клуба се здружија за Аргентинецот да не го засили Јувентус и тие да имаат поголеми шанси за Скудетото.

„Бјанконерите“ имаат осум Скудета во низа, а и оваа година важат за прв фаворит за титулата во Серија А.

Ривалите солидно се засилија летово, но ниту Јувентус не седи со скрстени раце и донесе неколку нови имиња. Маурицио Сари има квалитетен состав, кој до крајот на преодниот би можел да стане уште посилен доколку пристигне Мауро Икарди, кој важи за еден од најдобрите голгетери во Италија.

Се верува дека спортскиот директор Фабио Паратичи има пакт со Ванда Нара за нејзиниот сопруг да ги одбива сите понуди, и кон крајот на преодниот рок Аргентинецот да пристигне во Јувентус за значително помала сума од онаа која во моментов ја бара Интер.

Но според пишувањата на Кориере дело Спорт, пакт направиле Интер, Наполи и Рома. Тие имаат план за Мауро Икарди да не заврши во Торино со што би си ги зголемиле шансите за титула и симнување на Јувентус од тронот.

Весникот вели дека Интер треба да го испрати Мауро Икарди во Наполи, Наполи да го продаде Аркадиуш Милик во Рома, а Рома да го пушти Един Џеко во Интер. Така трите клуба ќе ги задоволат своите желби за нов напаѓач, а „старата дама“ ќе остане со празни раце.

Секако, во центарот е Мауро Икарди, кој треба да го одбере Сан Паоло како следна дестинација. Се говори дека Аргентинецот се уште калкулира и чека Јувентус да тргне во офанзива. Најверојатно до почетокот на следната недела ќе нема никаков прогрес, и дури потоа клопчето ќе почне да се отплеткува.

Античкиот грчки филозоф Хераклитус, кој живеел пред Сократ, Платон и Аристотел, е авторот на често користената поговорка „панта реи“ (Panta rei), односно, во превод, поедноставено: ,„сѐ тече, сѐ се менува, ништо не останува исто, нема апсолутна вистина и единствена реалност е повеќегодишно движење“.

повеќе

Интеграциите и буџетски субвенционираната економија и социјала се проектираните теми на кампањата на власта за претстојните избори.

повеќе

Третманот и плаќањето на работникот од кого зависи целиот производствен систем, треба да биде на прво место кај државата и работодавачот. 

повеќе