СП 2022

Хрватска приреди сензација, го исфрли Бразил од Светското првенство (ВИДЕО)

Хрватска го елиминираше главниот фаворит на Светското првенство, Бразил, коцкестите по подобро изведување на пенали победија, натпреварот по 120 минути беше 1-1. 

Голманот Ливаковиќ и напаѓачот Петковиќ се хероите на Хрватска на натпреварот против Бразил. Хрватите направија сензација, најголемиот фаворит за тронот си оди дома.
 
Натпреварот беше рамноправен во првото полувреме, а во вториот дел Бразилците тргнаа поконкретно кон голот на Ливаковиќ, но хрватскиот голман правеше чуда. Одбрани осум топки во регуларните 90 минути и не дозволи да се затресе неговата мрежа.
 
Немаше голови во регуларниот дел, па се играа продолженија.
 
Бразил конечно поведе во 106. минута кога Нејмар постигна гол за водство од 1-0. Одлична акција на Бразилците.
 
 
Се чинеше дека тие го направија главното, но Хрватска не мислеше дека е готово. Во 117. минута дуото на Динамо Загреб, Оршиќ - Петковиќ донесе израмнување. Оршиќ асистираше до Петковиќ кој реализираше за 1-1. Тоа беше резултатот по 120 минути игра.
 
 
Кога се во прашање пеналите, Хрватска е најдобра. Така беше и овојпат. Ливаковиќ го одбрани шутот на Родриго, а Маркињос ја погоди стативата. Бразилците погодија двапати од четири обиди и испаднаа, головите за нив ги дадоа Касемиро и Педро.
 
Хрватска реализираше четири од четири во пенал серијата, Влашиќ, Мајер, Модриќ и Оршиќ погодија.
 
 
Хрватска е првиот полуфиналист на Светското првенство, а таму ќе игра со победникот од дуелот меѓу Холандија и Аргентина.
 

Трагично е што воопшто треба да се бориме за зачувување на институција која отсекогаш била стожер на културниот живот во Македонија.

повеќе

Македонија нема рециклирачки капацитет за пластичната амбалажа, а со увозот на ѓубре како гориво во индустријата, станува и неофицијална депонија на ЕУ.

повеќе

Влијанието на корупцијата врз економијата е значајно. Корупцијата може да доведе до неефикасност и погрешна распределба на ресурсите, да ги обесхрабри странските инвестиции и да ја поткопа конкурентноста на фирмите.

повеќе