Лига Европа

Хетафе промаши пенал, Интер е во четвртфинале, Манчестер јунајтед и со втор тим подобар од ЛАСК (ВИДЕО)

Интер се пласираше во четвртфинале од Лига Европа откако со 2-0 го совлада Хетафе во Гелзенкирхен, Манчестер јунајтед го потврди настапот на Ф8 со нов триумф над ЛАСК Линц.

Пандемијата на коронавирус спречи Интер и Хетафе да ги одмерат силите во март, па вечерва, еден меч во Гелзенкирхен решаваше за патникот во осминафинале.

Интер на крајот беше поуспешен и со 2-0 славеше над клубот од предградието на Мадрид, кој има за што да жали откако Молина промаши пенал за 1-1.

Резултатот беше отворен во 33. минута, Бастони испрати долга топка, Лукаку одлично се снајде и погоди за 1-0.

Во 75. минута, Годин играше со рака во шеснаесетникот, судијата не забележа, но ВАР реагираше и беше досудена најстрога казна. Молина ја превзеде одговорноста, но биеше лошо крај голот.

Дилемите ги реши Ерикесен во 83. минута, Данецот кратко по влегувањето во игра реализираше за 2-0 по една неспретна реакција на одбранта на Хетафе.

На вториот натпревар од 21 часот, Манчестер јунајтед и со втор тим беше подобар од ЛАСК Линц и со триумф од 2-1 го потврди настапот на Ф8 турнирот во Германија.

Гостите од Австрија поведоа во 55. минута, Висингер неодбранливо пласираше од 20 метри, но кратко беа во предност.

Лингард изедначи на 1-1 во 57. минута, а Марсијал во финишот ја затресе мрежата за 2-1.

Нивото на Советот на Центар никако да порасне и да покаже демократски капацитети и зрелост очекувана од граѓаните

повеќе

Historia magistra vitae est (Историјата е учителка на животот). Оваа латинска изрека ќе ги објаснува односите меѓу народите и нациите додека постои светот.

повеќе

Добро е, во прво време, г. премиер, да го поттикнете Вашиот министер за култура да најде погодна форма да се преобјави книгата „По повод најновиот напад на нашиот јазик“ од Конески, пишува професорот Атанас Вангелов во отворено писмо до премиерот Зоран Заев.

повеќе