Светскиот шампион не сака да биде дел од поделеноста во Македонија

Ѓорѓиев: Ова ми е најомразениот златен медал, не планирам да учествувам на ниту еден прием

Четирикратниот светски шампион во кик-бокс, Димитар Ѓорѓиев со изненадувачки статус ѝ се обрати на македонската јавност, вели дека последниот златен медал кој го освои му е најомразениот досега. 

Димитар Ѓорѓиев на Светското првенство во Италија по четврти пат стана шампион на светот. Но брзо потоа излезе со неочекуван став кој го искажа преку социјалнитет мрежи.
 
Ѓорѓиев потенцираше дека ова му е најомразениот златен медал, рече дека ги откажува сите приеми и интервјуа, на СП учествувал бидејќи го сака спортот, но не сака да биде дел од поделеноста во Македонија.
 
„Драги пријатели, другари и сите останати љубители на спортот. Пред сѐ од срце ви благодарам за целата поддршка и позитивна енергија што ја добив во изминатите неколку дена. За жал морам да ви соопштам дека за мене ова е најомразениот златен медал што сум го освоил до сега. Исто така сакам да ве известам дека не планирам да присуствувам на ниеден прием ни во Агенција за млади и спорт, ниту на организираниот или планот за организиран пречек во Општина Неготино, сите мои гостувања и планирани интервјуа ќе бидат откажани, а досегашните ќе ве замолам да не ги објавувате. Овој медал го освоив бидејќи сакам спорт и си ја сакам татковината. Поделбата која што е неизбежна во Македонија јас не ја сакам и не сакам да бидам дел од неа!“, објави Ѓорѓиев.

Конески со голема дарба и со рационална мисла, создаде комуникативна поезија, создаде за македонските генерации образец на читлива литература.

повеќе

Првичната реакција на голем број држави кога се појави новата варијанта на ковид-19 вирусот за забрана на патувањето од Јужна Африка и од соседните држави, иако истиот веќе се има проширено, е очајна мерка. Всушност, државите можеби се и подобро подготвени отколку што мислат за што и да следи.

повеќе

Со неколку геополитички шаховски потези, Кина докажа дека не секогаш оружјето и војните се единствениот начин за глобална доминација.

повеќе