Манчестер јунајтед

Гигс му врати на Ибрахимовиќ за критиките: Можеби тој знае повеќе за Манчестер јунајтед од нас

Рајан Гигс брзо му одговори на Златан Ибрахимовиќ кој ги критикуваше поранешните играчи на Манчестер јунајтед затоа што многу негативно зборуваат за случувањата во клубот. 

Златан Ибрахимовиќ ги критикуваше фудбалерите на Јунајтед од класата 92 за нивните коментари за Манчестер јунајтед.
 
Дејвид Бекам, Пол Сколс, Гери Невил, Фил Невил, Ники Бат и Рајан Гигс ја сочинуваат легендарната класа 92 на Манчестер јунајтед.
 
Од нив само Ники Бат во моментов работи во клубот, тој е директор на академијата. 
 
Ибрахимовиќ изјави дека тие подобро да побараат работа во клубот отколку да ги промовираат своите негативни гледишта, но Гигс размислува поинаку.
 
„Кога ќе одиграте повеќе од 2000 натпревари (мечевите на сите играчи од класата 92) за Манчестер јунајтед заедно, можеме да имаме сопствено мислење“, вели Гигс.
 
„Понекогаш коментарите се позитивни, некогаш се негативни, но мислам дека тоа не се одразува на резултатите. Ние сме навивачи на клубот, заедно со другите поранешни фудбалери кои се на тв или на радио“.
 
„Во фудбалот нормално е да имате различни размислувања. Но очигледно Ибрахимовиќ повеќе го знае клубот отколку ние“.
 

„Новото нормално“ неизбежно со себе ќе носи неизвесност и страв бидејќи заканата од вирусот наѕира во позадина и не може да се искорени.

повеќе

„Шарената револуција“ беше енергија и граѓански порив за промени. Малку застранивме.

повеќе