За прв пат ќе имаат дуел како тренери

Гатузо за односот со Пирло: Бевме како Бад Спенсер и Тeренс Хил, има добиено повеќе заушки од мене, отколку од својот татко!

Џенаро Гатузо го прокоментира неговиот однос со Андреа Пирло во пресрет на финалето од Суперкупот на Италија, вели дека се одлични пријатели и имаат поминато прекрасни моменти на терените но и надвор од нив.

Вечерва Јувентус и Наполи ќе ги одмерат силите во Суперкупот на Италија, а покрај случувањата на теренот, интересен ќе биде и дуелот покрај аут линијата каде ќе стојат Андреа Пирло и Џенаро Гатузо, кои десет години беа соиграчи во Милан.

„Имаме играно заедно во репрезентацијата на Италија до 15, 16 и 18 години. Го освоивме Европското првенство за играчи до 21 година, триумфиравме на Светското првенство, освоивме се што може да се освои. Тој беше важен за мојата кариера, но и јас му помогнав многу“ – вели Џенаро Гатузо.

„Добри пријатели сме, имавме прекрасни моменти на терените но и надвор од нив. Ова е само фудбалски натпревар, нека победи подобриот, и без разлика што ќе се случи, ќе останеме добри пријатели по последниот свиреж на судијата“.

Во својата автобиографија, Андреа Пирло откри дека често знаел да се мајтапи со Џенаро Гатузо и покрај тоа што секогаш јадел ќотек.

„Има добиено повеќе заушки од мене, отколку од својот татко! Ние сме како Бад Спенсер и Тeренс Хил“.

Запрашан дали може да го изненади својот добар пријател и да го совлада, Гатузо вели: „Имам одредени идеи. Но ќе погрешиме доколку мислиме дека Јувентус е во криза. Тешко дека ќе изгубат два меча во низа. И покрај тоа што се без неколку важни играчи, имаат неверојатен состав. Мораме да прикажеме одлична партија, да бидеме концентрирани и пофокусирани од вообичаеното“.

 Еврообврзница во услови на најголемата светска економска криза за репрограмирање на долгот и буџетска поддршка.

повеќе

Повикот на Заев за „Влада за национален спас“ само три дена откако неговиот кабинет ја доби собраниската доверба, покажува дека таа тешко би се качила над сегашните 62 пратеници.

повеќе

Богатите држави мораат веднаш да донираат вакцини против ковид-19 на загрозените држави. 

повеќе