ФФМ ја прифати перпораката на Владата

Фудбалот во Македонија ќе се игра без публика поради коронавирусот

ФФМ ја прифати препораката на Владата на Република Македонија и потврди дека натпреварите од Првата и Втората македонска лига ќе се играат без публика до шести март. 

Поради актуелната состојба со коронавирусот Владата на Република Македонија на денешната седница препорача спортските натпревари во земјата до шести март да се играат без публика.
 
ФФМ ја прифати препораката и соопшти дека следните фудбалски натпревари ќе се играат без публика.
 
„По добиената препорака од Владата на Република Македонија до сите спортски институции, натпреварите во периодот до 6. март 2020. да се играат без присуство на публика, Фудбалската федерација на Македонија официјално потврдува сите натпревари од 21. коло на Прва МФЛ и 15. коло на Втора МФЛ - Исток и Запад ќе се одиграат без присуство на публика“, стои во соопштението на ФФМ.
 
Оваа препорака важи до 6. март, а потоа во зависност од ситуацијата забраната ќе биде продолжена или укината.
 
Се очекува препораката да ја прифатат и останатите спортски федерации. Се уште нема информација дали мечот од Лигата на шампионите меѓу Вардар и Монпелје ќе се игра без публика.

Најголемата закана од оружје засновано на ВИ не доаѓа од поединечни земји. Заканата ќе дојде од недржавни актери.

повеќе

Потребно е неодложно формирање на државен фонд кој ќе овозможи во прв момент преживување во оваа ситуација...

повеќе

Во време кога пандемијата на коронавирусот и понатаму е вон контрола, најдобар економски исход на кој би можеле да се надеваме е рецесија која ќе биде подлабока од онаа со финансиската криза во 2008 година. 

повеќе