Лига на нации

Фазлагиќ: Мора да веруваме дека можеме до првото место во групата

Иако изгледа речиси невозможно, македонскиот репрезентативец, Енис Фазлагиќ вели дека треба да веруваме дека можеме да дојдеме до првото место во групата од Лигата на нации. 

Пред Македонија се последните два меча од ова издание во Лигата на нации, во петок гостуваме кај Грузија, па во понеделник ја пречекуваме Бугарија.
 
Ремито кај Бугарија и убедливиот пораз од 3-0 во Скопје од Грузија ни ги одземаа шансите за првото место.
 
Сега треба во иста мера, па дури и со гол повеќе да ја победиме Грузија во Тбилиси за да дојдеме до првата позиција.
 
„Мора да веруваме дека можеме да бидеме први во групата и реално е тоа да одиме на победа на овие два меча. Знаеме дека Грузија е квалитетен противник и ние мора максимално да се подготвиме и во мечот да влеземе како што треба. Најважно е да освоиме три бода и мислам дека со вистински добар пристап ќе биде сѐ во ред“, вели Фазлагиќ.
 
„Тоа што Грузија е прва покажува дека имаат квалитетен тим и дека играат квалитетно. Тоа го потврдија и во Скопје. Но, ние мора да сме максимално фокусирани и да се спремиме за тој меч, ако сакаме да извлечеме победа, а тоа секако дека го сакаме. Мора да сме поконкретни и нормално дека треба да дадеме голови, зашто со голови може да стигнеме до нашата цел“.

Калоѓера не може да премолчи, не може да замиже пред историската вистина на Македонија, па затоа во својот живот се определил да македонствува.

повеќе

Слушањето како способност да го фокусираме вниманието на аудитивните дразби е важен аспект на нашиот живот и значително влијае на неговиот квалитет во сите сегменти.

повеќе

„Ќе дојде ден, кога пазарите отворени за трговија и размена на идеи, ќе бидат единствените борбени полиња“ - Виктор Иго

повеќе