Премиерлига

Фантастично дерби на Енфилд и победа за Ливерпул, Манчестер ј. конечно победи на гости, Арсенал со нов кикс (ВИДЕО)

Ливерпул со пресврт во вториот дел славеше со 2-1 над Тотнем, Манчестер јунајтед по долго време победи на гости со 1-3, Арсенал испушти два гола против Кристал Палас и одново киксираше.

„Црвените“ остануваат на +6 на врвот на табелата откако пред своите фанови со 2-1 го совладаа Тотнем. Гостите поведоа уште во првата минута, Кејн се најде на право место и со глава реализираше за 0-1 откако ударот на Сон од далечина завшри во пречката. 

Ливерпул потоа имаше неколку добри шанси, Газанига беше извонреден на голот и за сите овие промашувања за малку ќе стигнеше казна на стартот од вториот дел. Сон истрча во контра, се ослободи од Алисон и потоа на празен гол ја погоди пречката. 

Избраниците на Клоп конечно погодоија во 52. минута кога Хендерсон стралаше за 1-1, а потоа направија и пресврт од пенал. Орие неспретно го собори Мане, а Салах од белата точка донесе 2-1.

Манчестер јунајтед по долго време победи на гости и со 1-3 славеше на гостувањето кај Норич. Интересно е тоа што „ѓаволите“ промашија два пенали во првиот дел. Крул најпрво го одбрани обидот на Рашфорд, а потоа и на Марсијал.

Но голманот не мошеже да стори ништо кога Мектоминеј погоди од далечина во 21. минута, и кога по половина час игра Рашфорд доби топка во фор и погоди за 0-2. Марсијал во продолженито од мечот зголеми на 0-3, а домаќините дојдоа само до почесен гол преку Ернандез во финишот.

Арсенал одново киксираше откако пред своите фанови пропушти два гола предност против Кристал Палас. „Топчиите“ по 10 минути водеа со 2-0 откако по два корнери најдобро се снајдоа дефанзивците, најпрво Сократис донесе 1-0 а потоа Давид Луиз биеше за 2-0.

Сепак, гостите намалија од пенал во 32 минута преку Миливојевиќ, за на стартот од вториот дел Ају да го замолкне Емирати. Сократис погоди по втор пат во финишот и мислеше дека донесе 3-2 но голот беше поништен поради прекршок.

Германската канцеларка Ангела Меркел, меѓу другите, беше гневна; Балканот помодре од бес. ЕУ сега се обидува да го натера Макрон да го тргне ветото пред Европскиот самит во март.

повеќе

Мојата заложба е конечно законите и прописите наместо инструмент за спроведување лични интереси, да ја добијат вистинската функција, заштита на интересите на граѓаните. За жал...

повеќе