Паднал договор

ЕСПН Колумбија: Хамес Родригез има нов клуб, оди на позајмица во Наполи

Според пишувањата на ЕСПН Колумбија, Хамес Родригез следната сезона ќе настапува на југот на Италија и ќе го носи дресот на Наполи.

Колумбиецот ова лето треба да се врати во Мадрид по неуспешната авантура во Баерн Минхен, но Зинедин Зидан не смета на него и тој треба да си најде нов клуб.

На адреса на Хамес Родригез пристигнаа неколку понуди, а најпривлечна беше онаа од Наполи, каде треба одново да соработува со Карло Анчелоти.

Изминативе денови се говореше дека тој кажал ДА на „наполитанците“ и треба само уште калчолигашот да најде заеднички јазик со Реал Мадрид за начинот на кој ќе се реализира зделката. Наполи сака да го донесе Хамес Родригез на позајмица и следното лето во целост да го купи играчот за околу 40 милиони евра.

Попладнево ЕСПН Колумбија објави дека паднал договор.

„Хамес има нов клуб. По престојот во Баерн Минхен, за него нема место во Реал Мадрид, па тој ќе оди на позајмица во Наполи“ – гласеше пораката на Твитер.

Сепак, неколку часа подоцна постот беше избришан, па останува да се види дали ЕСПН Колумбија само избрза со објавата или сподели погрешна информација.

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе

Државата треба повеќе да се вклучи во промовирање на младинско претприемништво како економска активност која би помогнала за намалување на невработеноста.

повеќе