Серија А

Елмас доби половина час и изнуди црвен, Наполи и Милан одиграа возбудливо реми (ВИДЕО)

Наполи и Милан ги поделија бодовите во возбудлив меч со четири погодока, нашиот Елиф Елмас одигра половина час и успеа да изнуди црвен картон.

Без победник на дербити помеѓу Наполи и Милан. Гостите поведоа, домаќините направија целосен пресврт но „росонерите“ со гол од пенал избегнаа пораз. 

Резултатот беше отворен во 20. минута, Ребиќ нафрли на подалечната статива а Тео Ернандез погоди за 0-1. 

Наполи изедначи во 34. минута од мечот, по еден прекин, Ди Лоренцо се снајде најдобри и рутински ја затресе мрежата за 1-1. 

По еден час игра, избраниците на Гатузо направија целосен пресврт. Мертенс биеше, топката закачи еден дефанзивец и мина низ нозете на Донарума за 2-1. 

И покрај тоа што Наполи беше подобар противник, една несмасна реакција на Максимовиќ значеше пенал за Милан, а Кеси од белата точка донесе 2-2 во 73. минута од мечот. 

Нашиот Елиф Елмас доби половина час, Македонецот се најде во неколку прилики, еднаш беше изблокиран, а вториот пат врз него имаше старт на раб на пенал, но ниту судијата се огласи ниту пак ВАР. Во финишот од мечот изнуди и црвен картон, Салемакерс беше испратен во соблекувална поради два жолти картони.

На светов има доволно место и за доктори и за антиваксери, и за научници и инженери, како и за рамноземјани и антимаскери, за уметници и фантазери.

повеќе

Во Законот кој е предложен воопшто не се цели на попишување на реалната состојба на терен, туку се цели на попишување на сите возможни граѓани заради задоволување на политички цели.

повеќе

Веќе е јасно дека светот никогаш нема да биде ист по завршувањето на пандемијата и дека последиците ќе креираат нови образовни можности.

повеќе