Македонецот повторно беше стартер

Елмас доби нова улога и едно полувреме, Барса го наполни голот на Наполи (ВИДЕО)

Елиф Елмас беше стартер и на вториот натпревар против Барселона, овој пат доби нова улога, „каталонците" го наполнија голот на Наполи и славеа со убедливи 4-0.

Барселона и Наполи го одработија и вториот пријателски натпревар во САД и ги одмерија силите во Мичиген. Елиф Еламс одново беше стартер, но сега доби поинаква улога.

За разлика од натпреварите против Марсеј и оној првиот со Барса во Мајами, Македонецот сега имаше поофанзивни задолженија. Наполи не беше посебно расположен за надигрување, па и Елиф Елмас беше неприметен.

Тој беше повлечен од игра на паузата, при резултат 0-0, и потоа од клупата за резерви гледаше како Барса го полни голот на Наполи.

„Каталонците“ отворија фуриозно во продолжението од мечот, Саурез погоди за 1-0 во 48. минута, потоа по една убава акција Гризман рутински реализираше за 2-0.

Суарез прекрасно пласираше од врвот на шеснаесетникот за 3-0, а Дембеле прецизно по земја биеше за 4-0 во 63. минута од мечот.

И покрај тврдењата на американскиот претседател Доналд Трамп, американската разузнавачка заедница веќе долго време ја смета појавата на пандемии како една од најголемите закани.

повеќе

Кога ќе заврши пандемијата, очекувајте државите да се вратат со поголема власт и поголем легитимитет.

повеќе