Лига на нации

Драма во Торино: ВАР спречи славје на Белгија па Тео со проектил донесе радост за Франција (ВИДЕО)

Франција ќе игра против Шпанија во финалето на Лигата на нации, „триколорите" направија голем пресврт и во драматичен финиш стигнаа до триумф од 2-3 против Белгија.

Возбудлив натпревар со пет гола и драма во Торино, Франција направи голем пресврт и со 2-3 триумфираше против Белгија во второто полуфинале во Лигата на нации.

„Ѓаволите“ поведоа во 37. минута, Караско биеше по земја на поблиската статива и со мала помош на еден од дефанзивците го измами Лорис за 1-0. Во 40. минута следеше нова радост, Лукаку одлично се ослободи од Лукас Ернандез и силно биеше над главата на Лорис за 2-0.

Франција сепак не се предаде, се врати во игра во 62. минута, Бензема одлично се снајде и го матираше Куртоа за 1-2. Во 69. минута повторно се тресеше мрежата на Белгија, Мбапе од пенал погоди за 2-2.

До крајот на натпреварот, двете репрезентации ја бркаа победата, Лукаку во 87. минута реализираше за 3-2 но ВАР го спречи славјето и досуди офсајд.

И кога се чинеше дека ќе има продолженија, Тео Ернандез во 90. минута испрати проектил од работ на шеснаесетникот за 2-3 и огромна радост на „триколорите“.

Дали и колку градовите им служат на интересите на своите граѓани (демократија) или на елитите кај кои се концентрира капиталот (авторитарност)?

повеќе

Освен тоа што муралите се моќно средство за комуникација, тие можат да бидат и предмет на манипулации, па и пропаганда, подигање тензии и продлабочување на недоразбирањата во БиХ.

повеќе

Процесот на донесување на буџетот ме потсетува на една изрека на поранешниот државен секретар на трезорот на САД, Џејкоб Лу (Jacob Lew) кој вели дека „Буџетот не е само колекција на бројки, туку израз на нашите вредности и аспирации“.

повеќе