РК Вардар

Дибиров: Очекував повеќе публика, но добивме голема поддршка кога најмногу ни требаше

Тимур Дибиров вели дека очекувал салата да биде повеќе исполнета, но задоволен е од поддршката која ги понела ракометарите кон првиот триумф на домашен терен во Лигата на шампионите.

Вардар со одлична игра во второто полувреме го победи Порто со 23:27 и ја забележа втората победа во Лигата на шампионите оваа сезона, прва на домашен терен.
 
Салата „Јане Сандански“ не беше исполнета до последно место, недостасуваа гледачи на трибините позади головите, но беше гласно.
 
„Честитки за Порто, ни пружија силен отпор, ова беше тежок натпревар. Во првото полувреме работите за нас не функционираа како што треба, но во вториот дел ја подобривме нашата игра. Сигурен сум дека екипата на Порто ја чекаат големи победи, покажаа дека играат многу сериозен ракомет и сигурен сум дека ќе освојуваат бодови. Сакам уште еднаш да им честитам за одличната игра и во Порто ќе биде многу многу тешко“, вели Дибиров.
 
„Добро е кога се игра на домашен терен, но очекував салата да биде уште поисполнета. Можеби влијаеше и тоа што е недела. Но кога ни беше најпотребно, публиката ни даде голема поддршка и не понесе кон победата. Секогаш е специјално кога се игра првиот натпревар од сезоната дома. Можеби малку и нервозно го почнавме мечот поради тоа, но потоа се консолидиравме и победивме. Знаеме да се носиме со притисокот во текот на мечот“.
 
Тренерот Писонеро не е задоволен од првото полувреме, за разлика од вториот дел во кој Вардар го доби мечот.
 
Како што и очекувавме, Порто покажа дека е тежок противник беа мотивирани и одиграа одличен натпревар. Ние во мечот влеговме како шампиони, но не одигравме како што треба во првото полувреме, голманите немаа многу одбрани. Но во вториот дел беше поинаку, почнавме да ги браниме нивните удари, ја стегнавме и одбраната, ја искористивме нивната тактика седум на шест и успеавме да направиме предност која ја сочувавме и го добивме натпреварот“, изјави Писонеро.
 

Нашиот капацитет за справување со општи кризи е ограничен. Дали здравството е немоќно, или ние не можеме да се прилагодиме на промени?

повеќе

 За базата во Ново Село, Бугарија не добива ни долар за закупнина, а отворени се и бројни прашања за животната средина.

повеќе

Се поставува прашањето, дали треба да се жртвува слободата за сметка на жртвите кои се последица од вирусот, кој не можеме да го спречиме освен со строги санкции и мерки?

повеќе