Лига на шампиони

Дибала го замолкна Олд Трафорд, победа на Јувентус над Манчестер јунајтед (ВИДЕО)

Јувентус со гол на Дибала го победи Манчестер јунајтед со 1-0 на негов терен, Кристијано Роналдо се врати на Олд Трафорд.

Големото дерби меѓу Манчестер јунајтед и Јувентус му припадна на италијанскиот шампион кој славеше минимално со 1-0.
 
Јувентус беше подобар противник во првото полувреме, создаде неколку шанси а клучниот момент се случи во 17. минута кога една топка дојде до Дибала а тој осамен во шеснаесетникот ја смести во мрежата на Де Геа.
 
Манчестер јунајтед тргна многу поофанзивно во вториот дел, создаде неколку шанси од кој најдобра беше на Погба кој ја погоди стативата. Сепак тимот на Мурињо не успеа да се спаси од пораз.
 
Ова е голем триумф на Јувентус со кој прави значен чекор кон освојување на првото место во групата.
 
Реал Мадрид дојде до планираните три бода против Плзен, но тоа го направи неубедливо. Победи со 2-1 со голови на Бензема и Марсело.
 
Рома дојде до лесна победа против ЦСКА Москва од 3-0, а во главна улога беше Един Џеко кој постигна два гола и асистираше за третиот кој беше дело на Ундер.
 
Победа од 3-0 славеше и Манчестер Сити, тимот на Пеп Гвардиола триумфираше на гостински терен кај Шахтар. Давид Силва, Лапорте и Бернардо Силва беа стрелци на погодоците.
 
Највозбудливо беше на дуелот меѓу Хофенхајм и Лион кој заврши 3-3. Францускиот тим поведе со погодок на Траоре, но Хофенхајм со два гола Крмариќ направи комплетен пресврт за водство од 2-1. Сепак Лион со погодоци на Ндомбел и Депај прави нов пресврт и поведува 3-2. Германците во 92. минута преку Џоелитон се спасија од пораз.
 
Ајакс со гол во судиското продолжение ја победи Бенфика со 1-0.
 
Во првите денешни натпревари Баерн Минхен со 2-0 победи на гостувањето кај АЕК, а Јанг Бојс и Валенсија ги поделија бодовите играјќи нерешено 1-1.

Неопходно е да се допрецизира законот со што би се овозможило одреден дел од финансиски средства да се пренасочат кон делот на општествена одговорност на приредувачите на игри на среќа со цел подобрување на спортската инфраструктура.

повеќе

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе