Барса бркна длабоко во џебот за да ја задржи својата ѕвезда

Детали од најбогатиот договор во историјата на фудбалот: Меси има годишна бруто плата од 104 милиони!

Документите од „Фудбал Ликс" до кој стигна изражувачкиот тим на покажуваат дека Лео Меси има годишна бруто плата од 104 милиони евра, ова е најбогатиот договор во историјата на фудбалот

По долги шпекулации за неговата иднина, Лео Меси стави потпис на нов договор и ја продолжи верноста кон Барселона до 2021.

Ова е најбогатиот договор виден во историјата на фудбалот, а Медиапарт преку документи добиени од „Фудбал Ликс“ ги откри деталите.

Аргентинецот има годишна бруто плата од преку 100 милиони евра која се состои од фиксни примања од 71 милион евра (во кои се вклучени и 15% од имиџ правата). Лео Меси исто така добил бонус од 63,5 милиони евра за тоа што удрил параф на документите, како и бонус за лојаност од 70 милиони евра кој му следи доколку остане на Камп Ноу до крајот на договорот.

Доколку се соберат сите суми, договорот на Лео Меси е вреден 417,5 милиони евра, односно 104 милиони евра за 12 месеци.

Но оваа сума не е конечна, бидејќи на Лео Меси му следуваат одредени премии. На пример, ако Меси одигра на 60% од натпреварите на Барса во сезоната, ќе добие додатни 1,9 милиони евра. Триумф во Лигата на шампионите пак ќе му донесе плус 12 милиони евра.

Математиката вели дека нето платата на Лео Меси е околу 50 милиони евра, што го прави далеку најплатениот играч во светот на фудбалот. Нејмар со околу 37 милиони евра е вториот на оваа листа.

Лео Меси заработува повеќе од двојно од Кристијано Роналдо (околу 23 милиони евра), па затоа ЦР7 сака што поскоро Флорентино Перез да му го корегира договорот.

Денес спортот и спортистите се дел од политиката и служат како средство за препукување меѓу политичарите.

повеќе

Националното достоинство и идентитет не се статични „од Бога дадени" категории, туку динамични категории кои зависат од нашите постапки и акции.

повеќе

Не е во прашање само Русија VS Западот. Има нов играч на масата.

повеќе