Премиерлига

Дебакл на Манчестер јунајтед, највисока победа на Ливерпул на Олд Трафорд (ВИДЕО)

Ливерпул со 5-0 го победи Манчестер јунајтед на Олд Трафорд, момците на Јирген Клоп му приредија тежок дебакл на тимот на Оле Гунар Солшер. 

Се чини дека времето на Солшер во Маначестер јунајтед веќе е потрошено и само прашање на време е кога ќе добие отказ.
 
Она што се случуваше на Олд Трафорд со тимот на Манчестер јунајтед беше срамно.
 
Ливерпул ја оствари најубедливата победа над Манчестер јунајтед на Олд Трафорд, а впечаток е дека можеа и поубедливо да победат.
 
Навивачите на Јунајтед тешко го поднесоа поразот, почнаа да го празнат Олд Трафорд уште на половина час пред крајот на мечот.
 
Херој на Ливерпул и на овој меч беше Салах кој постигна хет-трик, а имаше и асистенција.
 
Дека се спрема црн ден во Манчестер беше најавено уште во 5. минута кога по додавање од Салах, Кеита погоди за водство од 1-0.
 
Во 13. минута веќе беше 2-0, по центаршут од Александер Арнолд, Жота погоди за нова радост на Ливерпул.
 
До крајот на првото полувреме Салах даде два гола за убедлива предност од 4-0. Одбраната на Јунајтед беше очајана.
 
По пет минути игра во второто полувреме Салах даде уште еден гол за негов хет-трик и водство од 5-0.
 
Следуваше гол на Роналдо кој беше поништен поради офсајд.
 
Во 60. минута Погба доби директен црвен картон поради опасен старт над Кеита. Фудбалерот на Ливерпул заработи повреда, а Јунајтед остана со фудбалер помалку.
 
Ливерпул немаше потреба да го зголемува темпото, само рутинирано го приведе мечот до крај и ја почна радоста за големата победа.
 
Се чини дека сега на потег е раководството на Манчестер јунајтед.

Тешко е да се очекува дека ветото ќе биде туку-така тргнато. Дури и кога би се постигнал некаков договор, тоа би значело дека Македонија направила тешки и болни компромиси за да дојде до решение, имајќи ги предвид тврдите позиции на Бугарија.

повеќе

Лошите прогнози за инфлацијата и зголемувањето на цените на сите енергенси, не упатува кон еден заклучок - обновливите извори на енергија, заедно со вложувањето во самоодржливост и економијата на подарувањето сега се позначајни отколку кога и да е претходно.

повеќе

Неделава во Тирана за првпат 31 прехранбена и 6  дистрибутивни компании од регионов заеднички ќе настапат на саемот во организација на Коморскиот инвестициски форум кој го предводиме ние.

повеќе