„Каталонците“ ја добија битката со ПСЖ и Сити за талентираниот Холанѓанец

Де Јонг сепак ќе заврши на Камп Ноу, но Барса ќе мора да плати дури 90 милиони евра!

Иако минатата недела го прекрши дадениот збор и беше блиску до ПСЖ, младата ѕвезда на Ајакс, Френки Де Јонг сепак ќе се пресели во Барселона во трансфер вреден 90 милиони евра.

„Каталонците“ уште во јуни месец го идентификуваа младиот Френки Де Јонг како идеален играч за подмладување на средниот ред. Лидерите на Барса стапија во контакт со колегите од Ајакс, најпрво им понудија 30 а потоа и 35 милиони евра, како и да го остават играчот уште една година во Амстердам на позајмица.

Но Ајакс знаеше дека во своите редови има бисер па експресно го одби предлогот на шампионот на Шпанија. До крајот на летото во трката се пуштија и ПСЖ, Манчестер Сити, Баерн Минхен, Реал Мадрид и Јувентус и цената на Френки Де Јонг веднаш рипна.

Ајакс бараше 75 милиони евра, па на крајот во конкуренција останаа само Барса, ПСЖ и Сити, и минатата недела се појавија гласини дека играчот ги одбрал „Светците“ иако имал вербален договор со Барса и дал збор дека ќе се пресели на Камп Ноу.

И покрај тоа што се чувствуваа изневерени, „каталонците“ не се предадоа без борба па во Амстердам отпатуваа сите важни „фаци“, претседателот Жозеп Мариа Бартомеу, генералниот директор Пеп Сегура, теничкиот секретар Ерик Абидал и неговиот заменик Рамон Планес.

Ваквата офанзива се исплатеше, вчера Радио Каталуња пренесе дека работата е завршина и Барса ја добила битката за потписот на Де Јонг, а истото утрово го потврди и холандскиот весник Де Телграф. Агентот на играчот, Али Дурсун им се јавил на ПСЖ и Сити и ги известил дека неговиот клиент ја одбрал Барса.

Сепак, сумата која ќе ја плати Барселона сега е дури тројно поголема од она што го нудеше пред шест месеци, медиумите шпекулираат со бројка од дури 90 милиони евра.

Би било добро роднините да не бидат жртви и да има повеќе повици кон роднините – функционери.

повеќе

Oд човекот кој успеа со сосема нова партија да го наруши целовековниот монопол на ПАСОК и Неа демократиа на грчката политичката сцена, може да се очекува буквално сѐ.

повеќе

Останува да видиме дали овој состав на Судот, кој дефинитивно е кадровски и професионално најслаб во досегашната наша државно-правна историја по осамостојувањето, ќе смогне сили за конечно да го пресече Гордиевиот јазол околу вака шверцуваната двојазичност.

повеќе