Квалификации за СП 2022

Да се прекине лошата серија од гостувањата кај Ерменија и да се сочува надежта за бараж

Денеска со почеток од 18 часот Македонија во Ереван против Ерменија го игра претпоследниот натпревар од Квалификациите за СП 2022, победа ќе ни ја оддржи надежта за бараж. 

Ова ќе биде дури 12. меѓусебен натпревар меѓу Македонија и Ерменија, со ниту една друга селекција не сме одиграле повеќе.
 
Кога станува збор за гостувањата кај Ерменија, не можеме да се пофалиме со големи успеси, од пет меча имаме една победа, едно реми и три порази од кои два убедливи.
 
На послелдните два меча кои ги игравме во Ереван, примивме дури 8 голови, загубивме со 4-1 и 4-0. Последниот меч како гости против Ерменија го загубивме со 1-0, но тој дуел се играше во Кипар поради пандемијата на коронавирус.
 
Шансите за пласман во баражот за СП ни се мали, треба да ги победиме Ерменија и Исланд и да чекаме кикс на Романија која има лесен распоред, го пречекува Исланд и му гостува на Лихтенштајн.
 
Како и да е, за да се надеваме до самиот крај, денеска ќе мора да ја прекинеме лошата традиција од гостувањата кај Ерменија и да се вратиме со победа.
 
„Играчите и на двете селекции меѓу себе добро се познаваат. Моменталната инспрација и мотивација кај двете екипи е на завидно ниво, мислам дека поголемата концентрација на самиот натпревар ќе го одлучи победникот. Двете репрезентнации имаат шанси за вторро место, сега очекувам сосема поинаков меч од оној во Скопје, отвоврен од двете страни бидејќи и на двете селекции ни треба победа“, вели селекторот Благоја Милевски.
 
Барди смета дека заедништвото во селекцијата може да биде предноста за Македонија.
 
„Ние се фокусираме на нашата работа, не на нивната. Најважно е ние да се подготвиме најдобро што можеме и кога ќе бидеме на теренот да знаеме што правиме. Мора да бидеме заедно како никогаш досега и тоа треба да биде клучот за победа“, вели Барди.
 
Мечот меѓу Ерменија и Македонија се игра со почеток од 18 часот, а ТВ преносот е на каналите на „Спорт Клуб“.

Колку и да сакаме Украинците да добијат целосна правда, на ерата на славни војни, несомнени победи и чисти порази ѝ дојде крајот. 

повеќе

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе

Сите политичари и безмалку сите новинари во Македонија, се со став дека нема или поточно не е можен план Б во преговарањето за влез во ЕУ со Бугарија.

повеќе