Лига на шампиони плејоф

Црвена звезда втора година по ред ќе игра во групната фаза од Лигата на шампионите (ВИДЕО)

Црвена звезда поради гол повеќе во гости го елиминира Јанг Бојс и втора година по ред се пласира во групната фаза од Лигата на шампионите, таму ќе биде и Динамо Загреб кој го исфрли Розенборг.

Црвена звезда одигра 1-1 во Белград против Јанг Бојс, благодарение на гол повеќе на гостински терен оди понатаму.
 
Еден час се играше без голови, а потоа по една одлична акција Вукановиќ погоди со глава за водство на Црвена звезда од 1-0.
 
Српскиот тим ја контролираше играта, но на десет минути пред крајот Бен си постигна автогол и им даде надеж на гостите дека на крајот тие може да се радуваат.
 
Имаше шанси Јанг Бојс во финишот, но Црвена звезда издржа и на крајот сосема заслужено втора година по ред ќе игра Лигата на шампионите.
 
1-1 заврши и натпреварот меѓу Розенборг и Динамо Загреб. Хрватскиот тим го доби првиот меч со 2-0 и со вкупни 3-1 се пласира во групната фаза од елитното натпреварувања.
 
Розенборг поведе со гол на Акинтола уште во 11. минута, но тоа беше се што направија. Гојак во 71. го изедначи резултатот на 1-1. Адеми го одигра целиот меч.
 
Пласман во групната фаза обезбеди и Олимпијакос кој уште еднаш го совлада Краснодар, овој пат во Русија со 2-1.
 

И покрај тврдењата на американскиот претседател Доналд Трамп, американската разузнавачка заедница веќе долго време ја смета појавата на пандемии како една од најголемите закани.

повеќе

Кога ќе заврши пандемијата, очекувајте државите да се вратат со поголема власт и поголем легитимитет.

повеќе