Цела Хрватска му аплаудира на селекторот

Чиро Блажевиќ: Далиќ си го зацврсти авторитетот, а Калиниќ никогаш повеќе нема да игра за Хрватска

Селекторот на Хрватска, Златко Далиќ направи голем потег откако поради недисциплина го избрка Никола Калиниќ, потег каков што имаше и Чиро Блажевиќ во 1998 година.

Хрватска одигра одличен натпревар против Нигерија и стартуваше со победа на Светското првенство. Калиниќ беше на клупата, требаше да влезе во последните пет минути, но тој го одби селекторот и покажа непочитување кон Далиќ, играчите и дресот на коцкестите.
 
Далиќ не размислуваше многу, му рече на Калиниќ да си ги спакува куферите и да ја напушти базата на Хрватска во Русија. Потег кој со симпатии беше прифатен од сите медиуми во Хрватска и фудбалските критичари меѓу кои и легендарниот Чиро Блажевиќ.
 
Блажевиќ во 1998 од слични причини од селекцијата го избрка Игор Цветановиќ, па сега без двоумење му дава поддршка на Далиќ.
 
„Далиќ немаше избор. Секако дека и јас би го направил истото, па секој селектор на светот би го направил тоа. Тоа е лесна одлука. Изгледа дека играчите помислија дека Далиќ многу ги толерира бидејќи изгледа таков мирен, но штом доби шанса, реагираше на вистински начин и го покажа својот авторитет“, изјави Чиро Блажевиќ.
 
„Уверен сум дека ова нема да ја расипе атмосферата во репрезентацијата. Далиќ си го зголеми авторитетот и тимот после ова ќе биде уште посилен“.
 
„За жал, Калиниќ со овој потег веројатно засекогаш си ја затвори вратата во репрезентацијата. Далиќ сигурно веќе нема да го викне, а ниту селекторите после него нема да поминат преку ова“.

Земјите од Западен Балкан се соочуваат со нов безбедносен предизвик: дерадикализација и реинтеграција на повратниците.

повеќе

Граѓаните сѐ повеќе ја согледуваат неопходноста од непартиска форма на самоорганизирање.

повеќе

Придобивките од дрвјата за урбаниот екосистем и квалитет на воздухот можат да се зголемат со систематско планирање на зелениот простор. Дизајнирањето на зелените простори во градовите треба да ја опфати и функцијата за чистење на воздухот.

повеќе