Лига на шампиони

Челси и Ајакс одиграа луд меч на Стемфорд Бриџ, Дортмунд со пресврт до победа над Интер (ВИДЕО)

Челси губеше со 4-1 на свој терен од Ајакс, на крајот жали што не победи, натпреварот заврши 4-4, Интер водеше со 2-0 во Дортмунд, на крајот загуби со 3-2. 

Луд меч на Стемфорд Бриџ одиграа Челси и Ајакс кој заврши нерешено 4-4. 
 
Возбудувањата почнаа уште во втората минута кога Абрахам си постигна автогол за водство на Ајакс од 1-0, само три минути подоцна Жоргињо од пенал го изедначи резултатот на 1-1.
 
Потоа следуваа три гола на Ајакс, Промес даде гол за 2-1, несреќниот Кепа Аризабалага си ја затресе мрежата за 3-1, а по десет минути игра во вториот дел Ван де Бек зголеми на 4-1.
 
Во 63. минута Аспуликуета намали на 4-2 и го врати Челси во игра.
 
Вистинската драма се случи во 68. минута кога во еден напад Ајакс доби два црвени картони, а Челси пенал. Блинд стартуваше опасно, судијата остави предноста и при истиот напад Велтман играше со рака во сопствениот шеснаесетник. Судијата Роки им покажа второ жолти на Блинд и Велтман по што Ајакс остана со играч помалку. Жоргињо од пенал намали на 4-3.
 
Три минути подоцна Челси преку Џејмс го изедначи резултатот на 4-4. Сините постигнаа и петти гол преку Аспиликуета но тој беше поништен поради игра со рака на стрелецот на голот.
 
Драма имаше и во Дортмунд каде Борусија го победи Интер со 3-2.
 
По првото полувреме Интер водеше со 2-0 со головите на Лаутаро Мартинез и Весино. Но во вториот дел Хаким со два гола и Бранд со еден донесоа пресврт и голема победа за Борусија Дортмунд.
 
Наполи одигра само 1-1 против Салцбург, Елмас остана на клупата на овој меч. Ливерпул со 2-1 го совлада Генк. Лио со 3-1 славеше над Бенфика, а Валенсија со 4-1 го победи Лил. 
 
Претходно Барселона и Славија Прага одиграа 0-0, а Лајпциг со 2-0 славеше кај Зенит.

Во либералните демократии веќе со години се продлабочува политичката поларизација, се намалува довербата во владеењето на правото и, институционално гледано, состојбата општо се распаѓа.

повеќе

Како по ѓаволите успеаја политичарите да го претворат токму Гоце Делчев во повод за поделби и омраза?

повеќе

Независна Македонија не може да се пофали со успешно менаџирање на етничките прашања, а првите „грешки“ се прават во првите денови од независноста.

повеќе