ПМФЛ

Битките за Европа и опстанок ќе се решаваат во последното коло

35. коло од првенството на Македонија не донесе никаква разврска на табелата, битките за Европа и опстанок ќе се решаваат во последното коло

Разврската во ПМФЛ ќе ја видиме во последните 90 минути од оваа сезона. Од поодамна е сигурно дека Шкендија е шампион а Вардар е вицешампион. За последните два учесника во Европа, како и за тоа кој ќе обезбеди опстанок ќе се води битка до последниот свиреж.

Скопје го напушти дното на табелата откако со 1-0 славеше во дуелот со Победа, а Пелистер пред своите фанови загуби од Шкупи со 0-2. Тимот од Чаир со овие три бода се искачи на четвртата позиција на табелата, со бод помалку во однос на Работнички и бод повеќе над Силекс.

Токму Силекс и Работнички попладнево ги одмерија силите во Кратово, а натпреварот заврши со почетните 0-0.

Шкендија со 0-3 славеше на гостувањето кај Ренова, а на уште еден натпревар кој немаше резултатска значење, Максимов во финишот донесе победа за Вардар од 3-2 над Академија Пандев.

Табела

Шкендија 88 бода, Вардар 56, Работнички 49, Шкупи 48, Силекс 47, А. Пандев 42, Ренова 41, Скопје 35, Победа 35, Пелистер 34.

Во последното коло се среќаваат:

Победа – Ренова

Шкупи – Вардар

Академија Пандев – Силекс

Работнички – Скопје

Шкендија – Пелистер

Фото: ФК Вардар

Владите постојано ги повторуваат истите грешки. Тие го сметаат долгот како предност за долгорочен раст, наместо она што тој всушност е: тежок товар и извор на масивни долгорочни ризици.

повеќе

Гостиварскиот градоначалник од сограѓаните побара да бидат потолерантни кон однесувањето на печалбарите.

повеќе

Дента кога македонската делегација беше на пат за Нивици, Заев со себе требаше да понесе еден венец.

повеќе