ЕВРО 2020

Бејтулаи: Ќе играме напаѓачки и на ЕП, таа игра нè донесе тука

Егзон Бејтулаи вели дека напаѓачката игра е карактеристична за Македонија и со таков приод треба да играме на сите натпревари на Европското првенство. 

Дефанзивниот фудбалер во македонската репрезентација, Егзон Бејтулаи и порачува на фановите да веруваат во фудбалерите, а тие ќе ги изненадат.
 
„Играме многу добар фудбал и не сме таква екипа, која во секоја минута се брани, ние напаѓаме. Мислам дека не треба да ја менуваме нашата игра на ниеден од натпреварите, ние сите напаѓаме и сите се браниме. Секако, тоа зависи и од резултатот, дали треба да го браниме но зошто да не напаѓаме и кога имаме добар резултат. А кога немаме позитивен резултат, секако дека ќе напаѓаме. Мило ми е што се враќаат навивачите, јас само би им порачал да ни веруваат и да веруваат во нашата игра. Видоа каде нè донесе таа досега, стигнавме до Европско, така што нека ни веруваат до крај, може да ги изненадиме“, вели Бејтулаи.
 
„Многу ми е мило, што можев да ја претставувам Македонија на младинското ЕП во Полска, а сега и со А-тимот да дојдам на еден голем настан. Ете стигнавме таму каде што најмногу посакувавме, на Еуро. Многу ми е драго што сум дел од избраните репрезентативци и се надевам дека ќе одиграм најдобро што можам. Секој играч чувствува притисок пред натпреварите и ние реба да знаеме како да се носиме со тоа. Не само противниците, туку и ние имаме фудбалери што настапуваат во големи клубови и големи лиги, но најважното е да играме како тим. Ако добијам минути, ќе ги искористам најдобро што знам и ќе го дадам најдоброто за Македонија“.

Алчноста за максимизирање на површината на градење ја помина „црвената линија“. Градот полека ја сече гранката на која седи.

повеќе

Пристигна барањето од етничкиот албански фактор во политиката за тоа да има промена во химната, знамето и грбот на државата.

повеќе

Доколку најмоќните луѓе во земјата (вклучително и претседателот Милановиќ) не престанат со вербалните напади и притисоци врз новинари и медиуми, се плашам дека Хрватска ќе појде по стапките на Унгарија, Полска и Словенија во однос на (не)слободата на медиумите, што секако не е европски, туку автократски пат.

повеќе