Работите се менуваат

Барселона ќе ја загуби трката за Лаутаро, тој ќе се пресели во Премиерлигата?

Реални се шансите Лаутаро Мартинез да го напушти Интер ова лето, но Барселона не е единствениот заинтересиран за него, се шпекулира дека Манчестер Сити во него гледа долгорочна замена за Кун Агуеро. 

Откако Судот за спортска арбитража им ја укина забраната за настап во Лигата на шампионите, Пеп Гвардиола ќе премине кон реновирање на тимот на Манчестер Сити.
 
Негова желба за нападот е Лаутаро Мартинез кој од поодамна е мета на Барселона. Пеп во Лаутаро гледа долгорочна замена за Серхио Агуеро.
 
22-годишниот Аргентинец одбива да потпише нов договор со Интер, негова желба веројатно е да замине во тим кој ќе биде конкурентен за најголемите титули.
 
Барселона вообичаено се ценка кога купува скап фудбалер и сака колку што може поевтино да дојде до услугите на Лаутаро, па предноста на Манчестер Сити може да биде во понудата која би требало да биде попримамлива за Интер.
 
Лаутаро Мартинез во договорот со Интер имаше откупна клаузула од 111 милиони евра но таа сега е минато. Се верува дека би можел да биде продаден за 80-90 милиони евра.
 
Покрај Лаутаро, Пеп Гвардиола ги посакува и Кулибали од Наполи и Алаба од Баерн Минхен.
 
Раководството на Манчестер Сити сака да го продолжи договорот со Гвардиола, а ќе го примами со обезбедување на голем трансфер буџет.

За преродба требаат само три чекора: промена на изборниот модел, укинување на мега и квази државниот апарат заедно со сите паразити во него и економски план за ревитализација на земјата.

повеќе

Нашиот капацитет за справување со општи кризи е ограничен. Дали здравството е немоќно, или ние не можеме да се прилагодиме на промени?

повеќе

 За базата во Ново Село, Бугарија не добива ни долар за закупнина, а отворени се и бројни прашања за животната средина.

повеќе