Лига на шампиони

Барселона го победи Јуве, ВАР му поништи три гола на Мората (ВИДЕО)

Барселона со 2-0 победи на гостувањето кај Јувентус, Мората три пати ја тресеше мрежата на Каталонците но ВАР му ги поништи сите погодоци, Манчестер јунајтед во финишот го наполни Лајпциг, славеше со убедливи 5-0. 

Барселона го доби дербито против Јувентус, тимот на Куман со 2-0 победи во Торино во меч кој ВАР оправдано му поништи три голови на Мората.
 
Каталонците го отворија резултатот уште во 14. минута кога Дембеле постигна гол за 1-0. 
 
Веќе во следната минута се случи првиот поништен гол на Мората, кој погоди и во 30. и во 55. минута но бадијала, во сите ситуации беше во офсајд.
 
Ситуацијата за Јуве стана уште полоша во финишот кога Демирал доби втор жолт картон.
 
Конечните 2-0 ги постави Меси со гол од пенал во судиското продолжение од натпреварот.
 
Интересно беше на Олд Трафорд каде Манчестер јунајтед со 5-0 го победи Лајпциг.
 
Гринвуд во 21. минута го отвори резултатот, 1-0 беше се до 74. минута кога Рашфрод зголеми на 2-0. До крајот тој постигна уште два гола за негов хет-трик, еднаш погоди и Марсијал.
 
Борусија Дортмунд со голови на Санчо од пенал и Халанд, во финишот го скрши отпорот на Зенит и победи со 2-0.
 
Лук Де Јонг донесе победа на Севиља од 1-0 против Рен.
 
Лацио одигра 1-1 на гостувањето кај Клуб Бриж, Ференцварош и Динамо Киев одиграа 2-2.
 
Претходно Челси со 4-0 победи кај Краснодар, ПСЖ со 2-0 славеше кај Башакшехир.

Можеби ни треба регистар на погрешни перцепции на граѓаните за криминалот и корупцијата во државата.

повеќе

Младите бараат подобар живот надвор од државата, бидејќи доаѓаат до заклучок дека приватните компании и странските организации им пружаат поголема поддршка и повеќе ги вреднуваат отколку сопствената држава.

повеќе

Во САД и некои други земји, припадниците на загрозените расни и етнички малцинства имаат пократок животен век од просечниот, и поради тоа не се доволно застапени меѓу оние за кои најмногу се очекува дека ќе починат од ковид-19.

повеќе