Холанѓанецот е известен дека треба да замине

Барса го брка Де Јонг поради огромната плата и за да може да регистрира тројца играчи

Барселона сака да се ослободи од Френки де Јонг само поради финансиски причини, Холанѓанецот има огромна плата и доколку тој замине, веднаш ќе можат да бидат регистрирани Франк Кеси, Андреас Кристенсен и Серхи Роберто.

Френки де Јонг доби јасна порака од Барселона, треба што поскоро да ја прифати понудата на Манчестер јунајтед и да го напушти Камп Ноу.

„Каталонците“ сакаат да се ослободат од Холанѓанецот само поради финансиски причини. Фудбалерот од средниот ред прифатил големо намалување на платата кога клубот беше силно погоден од ковид-19 пандемијата, па оваа сезона треба да заработи нешто над 20 милиони евра, а следната сезона речиси 30 милиони евра.

Со оглед на тоа дека финансиската ситуација во Барса и понатаму останува комплексна, клубот сака да ја тргне оваа огромна плата од сметката.

Со продажба на Френки де Јонг, Барселона ќе отвори доволно простор во буџетот за регистрација на двете засилувања, Франк Кеси и Андреас Кристенсен, како и за новиот договор на Серхи Роберто.

Останува да се види каква ќе биде одлуката на Холанѓанецот, наводно тој им се доверил на соиграчите од соблекувалната дека практично е невозможно да замине од Камп Ноу.

Одлучната изборна победа на италијанската десница овозможува нејзиниот лидер да биде првата жена премиер во Италија и прва која тврди дека недвосмислено има постфашистичко потекло.

повеќе

Нов фронт за работа на градежните фирми на веќе изградените згради (и куќи) треба да биде топлинската изолација.

повеќе

Во Македонија не постои никаква забрана за конверзиона терапија, а лиценцираните психолози што може да се јават како спроведувачи или наведувачи на ваква „терапија“, за жал, не сносат никакви последици.

повеќе