Лига на шампиони

Атлетико Мадрид е во осминафиналето, Милан заврши со Европа за оваа сезона (ВИДЕО)

Милан загуби со 2-1 на Сан Сиро од Ливерпул, а Атлетико Мадрид го победи Порто во Португалија со 3-1 и се пласираше во нокаут фазата од Лигата на шампионите.

На Милан му беше потребна победа против Ливерпул кој денеска на теренот излезе со значително ослабен тим но и тој се покажа како силен за росонерите.
 
Милан добро го почна мечот, поведе со гол на Томори во 29. минута од натпреварот, но радоста не траеше долго.
 
Само седум минути подоцна Салах реализираше за израмнување на 1-1. Со тој резултат се замина на одморот.
 
По десет минути игра во второто полувреме Ориги даде гол за комплетен пресврт и водство на Ливерпул од 2-1 кое беше и конечен резултат.
 
Натпревар со многу тензија одиграа Порто и Атлетико Мадрид кој на крајот го доби убедливо шпанскиот тим со 3-0.
 
Почетниот резултат траеше до 56. минута кога по еден корнер топката стигна до Гризман кој погоди за водство на Атлетико Мадрид од 1-0.
 
Тензијата си го направи своето па прво Караско во 67. минута доби црвен картон, а три минути подоцна и Вендел кај Порто беше исклучен.
 
Во 90. минута по една брза контра Кореа донесе водство за Атлетико Мадрид од 2-0, а во 92. минута Де Паул зголеми и на убедливи 3-0.
 
Но тоа не беше се на овој меч, во последните моменти од мечот Порто доби пенал кој го реализираше Серхио Оливеира поставувајќи ги конечните 3-1.
 
Од оваа група Ливерпул и Атлетико Мадрид одат во осминафиналето, црвените до првото место дојдоа со максимални 18 бодови. Порто продолжува во Лига Европа, а Милан испадна.
 

Јазикот е многу повеќе од структура на една реченица или граматика, јазикот е нашата историја, нашите обичаи и нашето наследство...

повеќе

Овој отпад, освен тоа што ја загадува животната средина, исто така предизвикува дефекти во машините, ги оштетува контејнерите и го спречува транспортот на друг отпад.

повеќе

Нема простор за двоумење и губење време, затоа Македонија и Бугарија треба да соработуваат што е можно поскоро за да најдат јасен јазик за разбирање, во процес кој би бил следен од ЕУ, Вашингтон и ОН.

повеќе