Лига Европа

Арсенал го помина Рен, Интер елиминиран од Ајнтрахт (ВИДЕО)

Арсенал иако имаше два негатива по мечот во Франција, денеска славеше со 3:0 и со вкупни 4:3 се пласира во четвртфиналето од Лига Европа, Интер на свој терен загуби од Ајнтрахт Франкфурт и доживеа елиминација.

Арсенал важеше за голем фаворит во двобојот со Рен, но резултатот од првиот меч го направи реваншот неизвесен. Французите на Емирати истрчаа со предност од 3-1.
 
Вечерва Арсенал покажа дека е поквалитетен противник, славеше со убедливи 3-0 и заслужено оди понатаму.
 
Предноста на гостите беше анулирана уште по 15 минути игра, Арсенал поведе со 2-0 со головите на Обамејанг и Мајтланд Наилс. Со овој резултат топчиите веќе беа пласирани, но заверката дојде во 72. минута кога Обамејанг постигна уште еден погодок поставувајќи го конечниот резултат.
 
Немаше погодоци на мечот во Франкфурт меѓу Ајнтрахт и Интер, па денешниот дуел од Милано почна со 0-0. Германскиот тим на трибините имаше поддршка дури од 15.000 навивачи кои допатуваат од Германија.
 
Во една таква атмосфера Ајнтрахт беше подобар противник од Интер, победи со 1-0 и тоа со гол постигнат уште во шестата минута од натпреварот. Стрелец беше Јовиќ.
 
Виљареал го победи Зенит и во Русија, тогаш со 3-1, а вечерва во Шпанија го совлада со 2-1 и многу полесно од очекувањата се пласира во четвртфиналето.
 

Северна Македонија стана кандидат 9 години пред Албанија и нема ништо лошо побрзо и да оди напред.

повеќе

Сега, додека балканскиве политичари ќе шетаат низ духовноста како волови во свила - каде им се врвните интелектуалци што би внеле елеганција во совладување на споровите?

повеќе

Рециклирањето можеби ни се чини како спас за природата, но најчесто е спасение само за нашата (валкана) совест.

повеќе