Квалификации за ЕП 2020

Ангеловски: Имаме шанси за пласман на ЕП, треба да продолжиме со ладни глави

Селекторот на Македонија, Игор Ангеловски верува дека нашата селекција може да се пласира на Европското првенство, но не треба да се создава еуфорија по победата над Летонија.

Македонија ги освои трите бода од гостувањето кај Летонија. Во нашата група се е отворено, но до крајот имаме четири сериозни натпревари.
 
Идниот месец ја пречекуваме Словенија во Скопје, а потоа гостуваме кај Полска. Потоа одиме кај Австрија и на крај играме дома со Израел.
 
„Планот беше да ги освоиме трите бода од овој дуел и да останеме со шанси за пласман на Европското првенство, тоа и го направивме. Пред последните четири натпревари во квалификациите нашата земја има шанса директно да се пласира на Европското првенство. Денеска можевме да победиме и со поголема разлика. Криво ми е само што пропуштивме два бода во Израел. Многумина можеби не отпишаа по оние два порази, но ние се вративме во игра за пласман на ЕП. Имаме реални шанси, но потребно е со ладна глава да ги продолжиме квалификациите. Следува мечот со Словенија кој верувам дека пред полни трибини ќе го добиеме“, изјави селекторот Ангеловски.

„Новото нормално“ неизбежно со себе ќе носи неизвесност и страв бидејќи заканата од вирусот наѕира во позадина и не може да се искорени.

повеќе

„Шарената револуција“ беше енергија и граѓански порив за промени. Малку застранивме.

повеќе