Квалификации за ЕП 2020

Ангеловски: Имаме мотив, но не и притисок да го освоиме третото место

Селекторот на македонската фудбалска репрезентација, Игор Ангеловски вели дека нема притисок за освојување на третата позиција, но чувствува дека неговите фудбалери заслужуваат да завршат на тоа место. 

Македонија ако го победи Израел има шанси да ги заврши квалификациите на третото место на табелата, дали ќе бидеме таму зависи од мечот меѓу Полска и Словенија, домаќините треба да победат.
 
Селекторот Игор Ангеловски на денешната прес конференција изјави дека шансата да завршиме трети ќе биде мотив повеќе утревечер, не и притисок.
 
„Немаме притисок да го освоиме третото место, тоа го гледаме како мотив. Фудбалерите заслужија да завршат како трети поради сето тоа кое го покажаа во квалификациите“, вели Ангеловски.
 
„Ќе одиме на победа, а дали таа ќе биде доволна за трето место ќе видиме, треба Полска да ја победи Словенија. Но математиките не ме интересираат, ме интересира само нашата игра. Заслуживме добар пласман“.
 
„Добро го познаваме Израел и од сега но и од минатите квалификации. Пред се добри се во нападот со Захави и Дабур. Но тоа е екипа која има и слабости а ние ќе се обидеме да ги искористиме“.
 
Ангеловски нема да може да смета на Тричковски, Младеновски и Трајковски кои заработија повреди од мечот со Австрија, но во тимот се враќаат Муслиу, Николов и Несторовски.
 
Фото: ФФМ

 Еврообврзница во услови на најголемата светска економска криза за репрограмирање на долгот и буџетска поддршка.

повеќе

Повикот на Заев за „Влада за национален спас“ само три дена откако неговиот кабинет ја доби собраниската доверба, покажува дека таа тешко би се качила над сегашните 62 пратеници.

повеќе

Богатите држави мораат веднаш да донираат вакцини против ковид-19 на загрозените држави. 

повеќе