АМС нема да има претставник на утрешното собрание на ФФМ, бара усогласување на статутот

Директорот на Агенцијата за млади и спорт, Дарко Каевски најави дека нивен претставник нема да присуствува на утрешното генерално собрание на ФФМ и побара од фудбалските власти да го усогласат статутот со законот за спорт.

Утре во Охрид ФФМ ќе одржи собрание на кое треба да биде избран Муамед Сејдини за нов претседател на федерацијата. Но, на денешна прес конференција АМС најави дека нема да има свои претставник.
 
Тие веќе некое време бараат од ФФМ да го усогласи статутот со законот за спорт. Според фудбалската федерација промените кои треба да се направат не се во согласност со статутите на УЕФА и ФИФА. 
 
АМС од ФФМ бара да ги направат статутарните промени пред почетокот на собранието, во спротивно ќе го сметаат за нелегитимно.
 
„Не сакаме да преудицираме, ќе почекаме да видиме што ќе се случи на собранието на ФФМ, доколку не го направат тоа како што треба, АМС ќе ги преземе сите мерки, а постои можност и за одземање на решението за дејност спорт. Обврска на сите национални федерации е да го усогласат статутот со законот за спорт “, изјави директорот на АМС, Дарко Каевски. 
 
Војната меѓу АМС и ФФМ кулминира во овој период, конечната разврска се очекува во престојниот период.
 

Македонските граѓани конечно го гледаат крајот на илузијата што им се продава од осамостопјувањето до денес.

повеќе

Министерот за финансии не треба да е кум, баџанак, шура, братучед или самиот тој, бидејќи треба да даде отпор на честите политички, но не и економски барања на членовите на владата.

повеќе

Зрелоста на еден народ е да препознае кога протестите за замена му ги продаваат како протести за промена. 

повеќе