Реал го промовираше фудбалерот од Австрија како ново засилување

Алаба ја доби „четворката“ на Рамос па порача: Не дојдов во Мадрид за да се споредувам со други

Реал Мадрид попладнево го презентираше Давид Алаба, дефанзивецот го доби бројот 4, кој до пред неколку недели му припаѓаше на Серхио Рамос.

Давид Алаба е првото засилување за Реал Мадрид ова лето, дефанзивецот пристигна за беспари откако му заврши договорот со Баерн Минхен. Фудбалерот од Австрија попладнево беше промовиран како нов „крал“ и го доби дресот со број 4, кој до пред неколку недели му припаѓаше на Серхио Рамос.

„Разговарав со клубот, ми го понудија бројот 4, ми рекоа дека нема други слободни броеви. Знам што значи овој број, и чест ми е што ќе го носам, ќе ме мотивира дополнително. Бројот претставува сила и лидерство“ – вели Давид Алаба.

„Серхио Рамос беше дел од овој клуб повеќе од една декада, беше лидер, на сите им е јасно ова. Но ми беше кажано дека само овој број е слободен и не сакав да барам од други соиграчи да ми отстапат број“.

Серхио Рамос се збогува со Реал Мадрид на крајот од минатиот месец откако не успеа да пронајде заеднички јазик со Флорентино Перез за продолжување на соработката.

Па Давид Алаба наместо да биде партнер на Шпанецот во одбраната, сега ќе треба да го замени.

„Не дојдов во Мадрид за да се споредувам со други, сакам да бидам Алаба, да понудам тоа што знам и умеам. Сакав да игра покрај Серхио Рамос, да учам од него, се работи за фудбалер од светска класа“.

Стратешко партнерство на македонската влада со Зока енерџи солушнс, компанија регистрирана за обработка и отстранување на опасен отпад, не е правилен начин за решавање на проблемот во мала држава како Македонија.

повеќе

Цивилизацијата би можела да се дефинира како глутница која има рационална потреба да ги легитимира и образложи своите колежи, грабежи и узурпации.

повеќе

„Сакајќи ја Америка и должејќи ѝ ја првата верност нејзе, ние ќе бидеме безвредни синови и ќерки на Америка ако немаме љубов во нашите срца за почвата што нè хранеше во нашето детство, за јазикот што го зборуваме и што го немаме заборавено...“

повеќе