Во Маврово се одржа прва хронометар велосипедска трка

Во организација на Халкбанк АД Скопје, како дел од HalkEco платформата чија цел е поттикнување здрави животни навики и придонесување за подобра животна средина, во Маврово се одржа првата хронометар велосипедска трка HALK VELO GREEN, во две категории, ПРО и ХОБИ. 

Како што информираат организаторите, првите три места на трката што се одржа вчера во категоријата ПРО жени ги освоија Андријана Анастасоска, Анита Величковска и Дуња Иванова, а во категоријата мажи првите три места им припаднаа на Никола Лефков, Благоја Перуновски и Димитар Јованоски.
 
Професионалните натпреварувачи добија ваучер за Garmin часовник во износ од 30.000 денари за првото место, ваучер за спортска опрема во износ од 15.000 денари за второ место а за трето место ваучер за спортска опрема во износ од 9.000 денари.
 
Во категоријата ХОБИ жени најдобри беа, Маргарита Ставревска, Емилија Пајковска и Лидија Мано-Илиев, а меѓу мажите, Кирил Марковски на прво место, Ицко Димитриевски на второ и Горан Солздановски на трето.
Наградите за ХОБИ победниците се, прво место – ваучер за Garmin часовник во износ од 20.000 денари, второ место – ваучер за спортска опрема во износ од 6.000 денари и трето место – ваучер за спортска опрема во износ од 3.000 денари.
 
На хронометар трката, секој учесник стартуваше на секои 15 секунди. Мерењето на времето се вршеше со чипови, кои им беа доделени на учесниците пред почетокот на натпреварувањето. Покрај чиповите, секој учесник доби и подарок од организаторот и пријателите на трката, фотографии од трката, медал и диплома за завршената трка.
 
HALK VELO GREEN трката се одржа според правилата и протоколите пропишани од Министерството за здравство и Институтот за јавно здравје.
 
Трката е во рамки на HalkEco платформата на Банката. Котизациите од пријавите за трката ќе се искористат за пошумување на површини во земјата.
 
МИА

И Софија ќе треба да не го запре македонското евро-интегрирање на самиот почеток – и Скопје ќе треба да ја декомунистицира и дејугословенизира својата елита, економија, политика, наратива и медиуми.

повеќе

На светов има доволно место и за доктори и за антиваксери, и за научници и инженери, како и за рамноземјани и антимаскери, за уметници и фантазери.

повеќе

Во Законот кој е предложен воопшто не се цели на попишување на реалната состојба на терен, туку се цели на попишување на сите возможни граѓани заради задоволување на политички цели.

повеќе