Формула 1

Верстапен ја освои пол позицијата па со глупав потег ја загуби на зелена маса (ВИДЕО)

Макс Верстапен победи во квалификациите за ГН на Мексико, но Холанѓанецот ќе стартува како четврти откако доби казна од стјуардите за глупавиот потег во финишот.

Возачите на Ферари ќе го запоседнат првиот ред во Мексико откако Макс Верстапен ја загуби пол позицијата на зелена маса. Холанѓанецот беше најбрз во квалификациите, но глупавиот потег и изјавата на пресот го чинеа казна.

Во финишот од третата сезија, Валтери Ботас се заби во бариерата, имаше жолти знамиња во последниот сектор и сите мораа да забават. Тоа значеше дека никој од возачите не можеше да го подобри своето време со што пол позицијата му беше загарантирана на Макс Верстапен откако Холанѓанецот имаше најдобро постигнување по првите брзи кругови и сите го бркаа неговото постигнување.

Но младиот возач на Ред Бул малку се занесе, имаше рекорден трет сектор и нов најбрз круг со кој само ја потврди пол позицијата. Како ова да не беше доволно, тој на прес конференцијата потврди дека свесно ги игнорирал жолтите знамиња и не ја тргнал ногата од педалот за гас и покрај тоа што видел дека Ботас е забиен во заштитните бариери.

Па стјуардите реагираа, веднаш го повикаа на разговор и откако ги разгледаа видео снимките и телеметријата, го казнија со три места. Ваквиот расплет на настаните значеше стартно место број 1 за Шарл Леклер, а Себастијан Фетел ќе стартува како втор. Една позиција ќе напредува и Луис Хамилтон, кој ќе биде трети, а Макс Верстапен ќе се најде на стартното место број 4.

Потоа следуваат Алекс Албон, Валтери Ботас, Карлос Саинц, Ландо Норис, Дани Квјат и Пјер Гасли.

Бидејќи знаеме да се перчиме со секој што потекнал од нашиве простори, дури и до илјадито колено наназад (од Аминта III до Симона Халеп), јас ќе ја искористам приликава за да се погордеам со македонските гени на еден извонреден музичар: Васил Хаџиманов.

повеќе

Коста Абрашевиќ, Гоце Делчев... и десетици илјади современици кои потпишале дека „по род се...", за да можат да патуваат и да работат во ЕУ државите.

повеќе

Наместо ефтини штосови на прес конференциите на СДСМ, ВМРО и ДУИ, на кои во несвест паѓаат само  партиските послушници, нивните лидери треба да одговорат на конкретни прашања.

повеќе