Мото ГП

Ваква трка никој не очекуваше, дебитантот Биндер спектакуларно победи во Брно за прв триумф на КТМ!

Бред Биндер на големо изненадување триумфираше на ГН на Чешка, дебитантот од Јужна Африка се радува на својата прва победа во Мото ГП и на КТМ му ја донесе првата победа во „кралската" класа.

Без Марк Маркез, се очекува Фабио Квартараро да биде тој што ќе атакува на победа во Брно за три од три оваа сезона, а Маверик Вињалес и Влантино Роси да му бидат ривали.

Сепак, на денешната трка најмногу прикажа дебитантот Бред Биндер, за кого ова беше само трета трка во „кралската“ класа. Возачот од Јужна Африка покажа извонредно темпо, на девет круга пред крајот изби во водство и мина низ целта со пет секунди предност во однос на Франко Морбидели, за кого ова е прв подиум во карерата.

За изненадувањата да бидат комплетни, на последното место на пиедесталот се качи Жоан Зарко, кој на хартија треба да е најслабото Дукати на гридот. 

Потоа следуваа Алекс Ринс, Валентино Роси, Мигел Оливеира, Фабио Квартараро, Такаки Накагами, Џек Милер и Алекс Еспаргаро. 

Андреа Довициозо беше 11-ти, а Маверик Вињалес финишираше како 14-ти.

Во моментов, мал број проекти или иницијативи во Македонија се фокусираат на тоа како универзитетите ги подготвуваат студентите за општествена одговорност и за граѓанскиот статус.

повеќе

Попис на населението во 2020 треба да има, затоа што тоа утре може да биде услов за Македонија да чекори напред кон ЕУ.

повеќе

Северна Македонија, исто така, мора да се придвижи кон енергетска независност, користејќи обновливи извори на енергија кои нема да му наштетат на кревкиот екосистем во оваа прекрасна земја.

повеќе